París (leikur)

Úr Wikipediu, frjálsa alfræðiritinu
Jump to navigation Jump to search
Dæmi um lögun reita í leiknum parís.
París er einnig borg og íslenskt kvenmannsnafn

París er vinsæll barnaleikur er gengur út á að steini eða öðrum litlum hlut er kastað í einn reitanna sem teiknaður hefur verið á yfirborð og þátttakandinn á að hoppa á reitina og ná í hlutinn. Algengt er að reitirnir séu teiknaðir með krít en einnig geta þeir verið merktir með varanlegri hætti.

Reglur[breyta | breyta frumkóða]

Fjölmörg afbrigði eru af reglunum og því hægt að álykta að ríkjandi reglur hvers leiks séu þær sem séu algengar á hverjum stað eða umsamdar milli þátttakenda. Algeng útfærsla er að þátttakandinn standi á sérstökum byrjunarreit og hendir þaðan litlum hlut í fyrsta reitinn (venjulega merktur með tölustafnum ‚1‘). Viðkomandi hoppar síðan í gegnum alla reitina fram og til baka á byrjunarreitinn, fyrir utan „merkta“ reitinn, með þeim hætti að eingöngu má einn fótur vera niðri í einu, að því undanskildu að heimilt er að vera með báða fætur niðri á sama tíma til að snerta tvo samliggjandi reiti (nr. 4 og 5 í myndadæminu), og einnig er heimilt að snerta ótölusettu reitina með báðum fótum í einu. Á leiðinni til baka á þátttakandinn stoppa á næsta reit við merkta reitinn, beygja sig niður, taka upp hlutinn, og halda síðan áfram. Ef þátttakandinn fer út fyrir parísinn, sleppir reit eða snertir línurnar, þarf viðkomandi að endurtaka umferðina (en hleypa næsta þátttakanda að á undan séu fleiri að spila). Ef umferðin heppnast má þátttakandinn hefja strax næstu umferð með því að merkja næsta númeraða reit, og svo framvegis. Sigurvegarinn er þátttakandinn sem klárar fyrst seinustu umferðina.

Wiki letter w.svg  Þessi grein er stubbur. Þú getur hjálpað til með því að bæta við greinina.