Pétur Marteinsson
| Pétur Marteinsson | ||
| Upplýsingar | ||
|---|---|---|
| Fullt nafn | Pétur Hafliði Marteinsson | |
| Fæðingardagur | 14. júlí 1973 | |
| Fæðingarstaður | Reykjavík, Ísland | |
| Hæð | 1,86m | |
| Leikstaða | Hægri bakvörður | |
| Yngriflokkaferill | ||
| Fram | ||
| Meistaraflokksferill1 | ||
| Ár | Lið | Leikir (mörk) |
| 1990-1991 | Fram | 5 (0) |
| 1992-1993 | Leiftur | 34 (12) |
| 1994-1995 | Fram | 51 (0) |
| 1996-1998 | Hammarby IF | 70 (4) |
| 1999-2001 | Stabæk | 20 (2) |
| 2001-2003 | Stoke City | 58 (8) |
| 2003-2006 | Hammarby IF | 48 (5) |
| 2007-2008 | KR | 29 (0)[1] |
| Landsliðsferill | ||
| 1988 1990 1992-1995 1993-2005 |
Ísland U17 Ísland U19 Ísland U21 Ísland |
1 (0) 2 (2) 19 (0) 36 (1)[2] |
|
1 Leikir með meistaraflokkum og mörk | ||
Pétur Hafliði Marteinsson (fæddur 14. júlí 1973) er íslenskur rekstrarstjóri og fyrrverandi knattspyrnumaður sem leiðir lista Samfylkingarinnar í Reykjavík í sveitarstjórnarkosningum 2026. Hann spilaði knattspyrnu fyrir Hammarby IF í Svíþjóð, Stabæk í Noregi og Stoke City á Bretlandi.
Knattspyrna
[breyta | breyta frumkóða]Pétur hóf meistaraflokksferilinn í Fram 1991 og gekk síðan í raðir Leifturs og spilaði með þeim frá 1992-1993 og gekk síðan aftur í raðir Fram, en var svo var keyptur til Hammarby IF í Svíþjóð og hélt síðar til norska liðsins Stabæk. Árið 2001 gekk hann til liðs við liðið Stoke City á Bretlandi þar til ársins 2003 er hann gekk aftur til liðs við Hammarby og lék með þeim til 2006. Pétur lauk ferlinum hjá KR. Pétur spilaði 36 leiki með íslenska landsliðinu og skoraði í þeim eitt mark.
Starfsferill
[breyta | breyta frumkóða]Pétur er með MBA gráðu frá Háskólanum í Reykjavík og stofnaði Kex Hostel, Kaffihús Vesturbæjar og er markaðsstjóri hugbúnaðarfyrirtækisins OZ Sports[3]. Hann hefur komið að þróun uppbyggingarsvæða í Reykjavík svo sem Þjóðarleikvangs í Laugardal, uppbyggingu á KR svæðinu og í nýja Skerjafirðinum.
Stjórnmál
[breyta | breyta frumkóða]Seint í desember árið 2025 kom fram að Pétur hefði hlotið mikla hvatningu frá fólki í Samfylkingunni til að bjóða sig fram í oddvitasæti flokksins í Reykjavík fyrir sveitarstjórnarkosningar 2026. Þann 1. janúar 2026 gaf hann kost á sér en fram að því hafði Heiða Björg Hilmisdóttir, borgarstjóri Reykjavíkur, ein lýst yfir framboði í það sæti. Nokkrum dögum áður hafði Kristrún Frostadóttir, forsætisráðherra og formaður Samfylkingarinnar, upplýst að hún og Pétur höfðu rætt saman um mögulegt framboð hans.[4]
Pétur uppskar 1. sætið prófkjöri flokksins í lok janúar en hann hlaut rúm 3.000 atkvæði meða Heiða fékk rúm 1.600.[5]
Fjölskylda
[breyta | breyta frumkóða]Pétur ólst upp í Breiðholti og Árbæ og er sonur Hugrúnar Pétursdóttur og Marteins Geirssonar, sem einnig var knattspyrnumaður og lék 67 leiki með landsliðinu og skoraði í þeim 8 mörk.[6] Systur Péturs eru Margrét Marteinsdóttir blaðakona og Íris Dögg Marteinsdóttir. Eiginkona Péturs er Unnur Anna Valdimarsdóttir, prófessor við Háskóla Íslands. Saman eiga þau eina dóttur.
Tilvísanir
[breyta | breyta frumkóða]- ↑ https://www.transfermarkt.com/petur-haflidi-marteinsson/leistungsdatendetails/spieler/9884
- ↑ https://www.ksi.is/mot/leikmadur/$PlayerDetails/Games/?leikmadur=25637&fra=01.01.1990&til=25.04.2025
- ↑ „OZ Sports“. OZ Sports (enska). Sótt 12 janúar 2026.
- ↑ Pétur vill leiða Samfylkinguna í Reykjavík Rúv. Sótt 1. janúar 2026
- ↑ Pétur leiðir Samfylkinguna í borginni RÚV, sótt 25. janúar 2026
- ↑ https://www.ksi.is/mot/leikmadur/?leikmadur=6145
