Oganesson
| Radon | |||||||||||||||||||||||||
| Tennessín | Oganesson | Ununennín | |||||||||||||||||||||||
| |||||||||||||||||||||||||
Oganesson er tilbúið geislavirkt frumefni með efnatáknið Og og sætistöluna 118. Það var fyrst búið til hjá Sameinuðu kjarnorkurannsóknarstofnuninni í Dubna í Rússlandi árið 2002, af teymi rússneskra og bandarískra vísindamanna. Frumefni á þessum stað í lotukerfinu hafði áður fengið heitið ununoktín. Árið 2015 var uppgötvun efnisins viðurkennd og árið eftir fékk það núverandi nafn eftir armensk-rússneska kjarneðlisfræðingnum Yuri Oganessian.[1][2]
Oganesson hefur hæstu sætistölu og mesta atómmassa allra þekktra frumefna. Í lotukerfinu er það í flokki efna í p-blokk og tilheyrir flokki 18 og er síðasta frumefnið í lotu 7. Eina þekkta samsæta þess, 294Og, er mjög geislavirk með 0,7 ms helmingunartíma. Árið 2025 höfðu aðeins fimm atóm af efninu verið búin til.[3] Vegna þessa hafa engar rannsóknir verið gerðar á efniseiginleikum efnisins.
Tilvísanir
[breyta | breyta frumkóða]- ↑ „IUPAC Announces the Names of the Elements 113, 115, 117, and 118“. IUPAC. 30 nóvember 2016. Afrit af uppruna á 30 nóvember 2016. Sótt 1. desember 2015.
- ↑ St. Fleur, Nicholas (1. desember 2016). „Four New Names Officially Added to the Periodic Table of Elements“. The New York Times. Sótt 1. desember 2016.
- ↑ Smits, Odile R.; Mewes, Jan-Michael; Jerabek, Paul; Schwerdtfeger, Peter (2020). „Oganesson: A Noble Gas Element That Is Neither Noble Nor a Gas“. Angewandte Chemie International Edition. 59 (52): 23636–23640. doi:10.1002/anie.202011976. PMC 7814676. PMID 32959952.
