Norræna sundkeppnin

Norræna sundkeppnin var keppni sem haldin var meðal norrænna þjóða seinni part tuttugustu aldarinnar og var ætluð til að stuðla að aukinni sundþáttöku.

Fyrsta keppnin var haldin árið 1949 þar sem Finnar sigruðu en auk þeirra tóku Danir, Svíar og Norðmenn þátt.

Íslendingar tóku fyrst þátt í keppninni árið 1951 og unnu yfirburðarsigur en 25% þjóðarinnar tók þátt. Næst mesta þáttakan var hjá Finnum, eða 4%. Þegar keppnin var haldin næst þremur árum síðar, 1954, var reglunum breytt á þann veg að sú þjóð teldist sigra sem bætti mest þátttöku sína hlutfallslega.Um 6% fleiri Íslendingar syntu í keppninni árið 1954 en höfðu gert þremur árum fyrr, en að teknu tilliti til fólksfjölgunar nam aukningin þó undir tveim prósentum. Svíar hrepptu að lokum verðlaunin með 2,1% aukningu.

Eftir þessa keppni dró stórlega úr áhuga Íslendinga. Hún var þó haldin á þriggja ára fresti til ársins 1975 er hún var lögð niður. Árið 1984 var hún haldin aftur í síðasta sinn og unnu þá Færeyingar, sem þá voru að keppa í fyrsta sinn, yfirburðar sigur.

Sjá einnig

• Sund á Íslandi
• Sundlaugar og laugar á Íslandi