Nicolas Cage
Nicolas Cage | |
|---|---|
 Cage árið 2011. | |
| Upplýsingar | |
| Fæddur | Nicolas Kim Coppola 7. janúar 1964 Long Beach, Kaliforníu, Bandaríkjunum |
| Þjóðerni | Bandarískur |
| Ár virkur | 1981– |
| Maki | Patricia Arquette (g. 1995; sk. 2001) Lisa Marie Presley (g. 2002; sk. 2004) Alice Kim (g. 2004; sk. 2016) Erika Koike (g. 2019; sk. 2019) Riko Shibata (g. 2021) |
| Börn | 3 |
| Ættingjar | Francis Ford Coppola (föðurbróðir) Sofia Coppola (frænka) |
| Undirskrift |  |
| Óskarsverðlaun | |
| Besti leikari í aðalhlutverki fyrir Leaving Las Vegas (1995) | |
| Golden Globe-verðlaun | |
| Besti leikari í kvikmynd – drama fyrir Leaving Las Vegas (1995) | |
| Screen Actors Guild-verðlaun | |
| Framúrskarandi leikur karlleikara í aðalhlutverki fyrir Leaving Las Vegas (1995) | |
Nicolas Kim Coppola (f. 7. janúar 1964),[1][2] þekktur undir sviðsnafninu Nicolas Cage, er bandarískur leikari og kvikmyndaframleiðandi. Hann hefur hlotið ýmis verðlaun, meðal annars Óskarsverðlaun, Screen Actors Guild-verðlaun og Golden Globe-verðlaun, auk þess sem hann hefur tvisvar verið tilnefndur til BAFTA-verðlauna. Cage er þekktur fyrir fjölhæfni sína sem leikari og hann hefur öðlast sterkt persónufylgi með hlutverkum sínum í ýmsum myndum.[3][4][5]
Cage er af Coppola-ættinni, sem er með sterkar rætur í bandaríska kvikmyndaiðnaðinum. Hann hóf feril sinn í kvikmyndum á borð við Fast Times at Ridgemont High (1982) og Valley Girl (1983) og í ýmsum myndum eftir frænda sinn, Francis Ford Coppola, eins og Rumble Fish (1983), The Cotton Club (1984) og Peggy Sue Got Married (1986). Hann hlaut góða dóma fyrir leik sinn í myndunum Moonstruck og Raising Arizona (báðar árið 1987) og vann síðan Óskarsverðlaunin sem besti leikarinn í aðalhlutverki fyrir leik sinn í dramamyndinni Leaving Las Vegas (1995). Hann hlaut jafnframt tilnefningu til Óskarsverðlauna fyrir að leika tvíburana Charlie og Donald Kaufman í gaman-dramamyndinni Adaptation (2002).
Cage hefur birst í fjölda hasarmynda, meðal annars The Rock (1996), Con Air (1997), Face/Off (1997), Gone in 60 Seconds (2000), National Treasure-myndunum (2004–2007), Ghost Rider-myndunum (2007–2011) og Kick-Ass (2010). Hann hefur líka leikið dramatísk hlutverk í myndum eins og City of Angels (1998), Bringing Out the Dead (1999), The Family Man (2000), Matchstick Men (2003) og The Wicker Man (2006). Hann hefur talsett persónur í teiknimyndum eins og The Ant Bully (2006), Astro Boy (2009), The Croods (2013–2020), Teen Titans Go! To the Movies og Spider-Man: Into the Spider-Verse (báðar 2018). Hann hlaut lof gagnrýnenda á ný fyrir að fara með aðalhlutverkin í myndunum Mandy (2018), Pig (2021), The Unbearable Weight of Massive Talent (2022), Dream Scenario (2023) og Longlegs (2024).[6][7][8]
Cage á kvikmyndafélagið Saturn Films og hefur framleitt kvikmyndir eins og Shadow of the Vampire (2000) og The Life of David Gale (2003), og leikstýrði myndinni Sonny (2002). Cage fékk stjörnu með nafni sínu á Hollywood Walk of Fame árið 1998 fyrir framlög sín til kvikmyndaiðnaðarins. Hann var í 40. sæti á lista tímaritsins Empire yfir 100 mestu kvikmyndastjörnur allra tíma árið 2007 og var í 37. sæti á lista Premiere yfir 100 voldugustu einstaklinga í Hollywood árið 2008. Nicolas Cage var einnig talinn meðal 50 bestu leikara allra tíma í skoðanakönnun Empire árið 2022.[9]
Tilvísanir
[breyta | breyta frumkóða]- ↑ „UPI Almanac for Monday, Jan, 7, 2019“. United Press International. 7 janúar 2019. Afrit af uppruna á 21. september 2019. Sótt 21. september 2019. „actor Nicolas Cage in 1964 (age 55)“
- ↑ Naden, Corinne J.; Blue, Rose (2003). Nicolas Cage. Lucent Books. ISBN 978-1590181362. „nicolas kim coppola.“
- ↑ Sell, Paul R. (21 apríl 2022). „To celebrate an unforgettable career, here are the 10 essential Nicolas Cage movies | The Spokesman-Review“. www.spokesman.com. Afrit af uppruna á 12. desember 2023. Sótt 1. desember 2023.
- ↑ Rose, Steve (2 október 2018). „Put the bunny back in the box: is Nicolas Cage the best actor since Marlon Brando?“. The Guardian. Afrit af uppruna á 6. september 2021. Sótt 6. september 2021.
- ↑ Tafoya, Scout (25 maí 2021). „The Whole Parade: On the Incomparable Career of Nicolas Cage“. RogerEbert.com. Afrit af uppruna á 21 júní 2021. Sótt 24 júní 2021.
- ↑ Nguyen, Terry (7 ágúst 2019). „The enduring strangeness of Nicolas Cage“. The Washington Post. Afrit af uppruna á 23 júlí 2020. Sótt 23 júní 2021.
- ↑ Kinnucan, Trent (10 janúar 2021). „A Tribute to Nicolas Cage: The Rise, Journey & Latest 'Adaptation' of Our 'Kick-Ass' 'National Treasure'“. Hollywood Insider. Afrit af uppruna á 11 janúar 2021. Sótt 23 júní 2021.
- ↑ Hibberd, James (4. desember 2023). „Nicolas Cage Says He's Almost Finished: "Three or Four More Movies Left"“. The Hollywood Reporter. Afrit af uppruna á 4. desember 2023. Sótt 4. desember 2023.
- ↑ „Empire's 50 Greatest Actors Of All Time List, Revealed“. Empire. 20. desember 2022. Sótt 25. september 2024.