Nico Rosberg
 Rosberg árið 2016 | |
| Fæddur | Nico Erik Rosberg 27. júní 1985 Wiesbaden, Vestur-Þýskaland |
|---|---|
| Ættingjar | Keke Rosberg (faðir) |
| Formúlu 1 ferill | |
| Þjóðerni |  Þýskur |
| Ár | 2006-2016 |
| Lið | Williams, Mercedes |
| Númer bíls | 6 |
| Keppnir | 206 (206 ræsingar) |
| Heimsmeistaratitlar | 1 (2016) |
| Sigrar | 23 |
| Verðlaunapallar | 57 |
| Stig á ferli | 1594.5 |
| Ráspólar | 30 |
| Hröðustu hringir | 20 |
| Fyrsta keppni | Barein kappaksturinn 2006 |
| Fyrsti sigur | Kínverski kappaksturinn 2012 |
| Síðasti sigur | Japanski kappaksturinn 2016 |
| Seinasta keppni | Abú Dabí kappaksturinn 2016 |
| Vefsíða | nicorosberg |
Nico Erik Rosberg (f. 27. júní 1985) er þýskur og finnskur fyrrum akstursíþróttamaður sem keppti undir þýskum fáni í Formúlu 1 frá 2006 til 2016. Hann vann heimsmeistaratitil ökuþóra árið 2016 með Mercedes og vann 23 keppnir yfir 11 tímabil.
Rosberg er einkasonur finnska Formúlu 1 heimsmeistarans 1982 Keke Rosberg og þýsku konu hans. Hann fæddist í Wiesbaden en ólst að mestu leyti upp í Mónakó.
Rosberg átti frumraun sína í Formúlu 1 með Williams árið 2006. Hann var með Williams til ársins 2009 og náði tveimur verðlaunapöllum með því liði. Árið 2010 fór hann til ný stofnaða Mercedes liðsins og var liðsfélagi sjöfalda heimsmeistarans Michael Schumacher. Rosberg vann fyrstu keppnina sína í Kína árið 2012. Hann var liðsfélagi gamla go-kart félaga síns Lewis Hamilton frá 2013 til 2016 og myndaðist nokkur togstreita milli þeirra þar sem þeir börðust um heimsmeistaratitla. Rosberg endaði í öðru sæti á eftir Hamilton árið 2014 og 2015 en vann síðan titilinn á seinasta tímabilinu sínu árið 2016. Hann og faðir hans Keke eru einu feðgarnir á eftir Graham og Damon Hill sem hafa báðir unnið heimsmeistaratitil ökumanna í Formúlu 1.
Rosberg tilkynnti að hann væri hættir í Formúlu 1 fimm dögum eftir að vinna heimsmeistaratitilinn 2016 og sagðist vilja eyða meiri tíma með fjölskyldunni sinni.[1] Á ferli sínum í Formúlu 1 byrjaði hann 206 keppnir, vann 23, náði 30 ráspólum, 20 hröðustu hringjum og 57 verðlaunapöllum.[2]
Í júní 2007 kom Rosberg til Íslands þar sem hann lék listir sínar á Williams formúlu bílnum á bílaplani Smáralindarinnar ásamt því að heimsækja hvíldarheimili fyrir langveikbörn.[3]
Tilvísanir
[breyta | breyta frumkóða]- ↑ „Rosberg announces his retirement from F1 racing“. formula1.com. 2. desember 2016. Sótt 11. júní 2025.
- ↑ „Nico Rosberg“. motorsportstats.com. Sótt 11. júní 2025.
- ↑ „Þúsundir fylgdust með Rosberg í Smáralind“. visir.is. 26. júní 2007. Sótt 11. júní 2025.