Newsweek
Newsweek er bandarískt fréttatímarit sem kemur út vikulega í New York-borg. Það var stofnað árið 1933. Það er nú sjálfstætt fyrirtæki í eigu sömu aðila og eiga IBT Media.
Newsweek var stofnað (sem News-Week) af Thomas J. C. Martyn sem áður hafði starfað sem blaðamaður hjá Time. Árið 1961 keypti The Washington Post Company tímaritið og gaf út til 2010. Minnkandi tekjur urðu til þess að tímaritið var sameinað vefritinu The Daily Beast í eigu IAC Inc.[1] Árið 2012 var ákveðið að hætta prentútgáfu.[2] Árið eftir keypti IBT Media Newsweek og 2014 var prentútgáfa tekin upp að nýju samhliða vefútgáfu. Árið 2018 var tímaritið gert að sjálfstæðu fyrirtæki í eigu sömu aðila.[3] Eftir 2019 hefur fyrirtækið skilað góðum hagnaði, meðal annars vegna tekna af netauglýsingum.[4]
Tilvísanir
[breyta | breyta frumkóða]- ↑ Paul Farhi (12 nóvember 2010). „Struggling Newsweek joins with fledging Web site Daily Beast“. The Washington Post. bls. C8.
- ↑ „A Turn of the Page for Newsweek“. The Daily Beast. 21 október 2012. Afrit af uppruna á 18 október 2012. Sótt 18 október 2012.
- ↑ „Newsweek Media Group Splits into Separate Companies: Newsweek, IBT Media“. mediapost.com (enska). Afrit af uppruna á 13 júlí 2019. Sótt 17 janúar 2020.
- ↑ Stenberg, Mark; Hiebert, Paul (23 janúar 2025). „How Newsweek Engineered Its Unlikely Turnaround“. Adweek (bandarísk enska). Sótt 26. mars 2025.
