Myst

Myst er ævintýra tölvuleikur hannaður af Rand og Robyn Miller . Hann var búinn til af Cyan, Inc., gefinn út af Broderbund, og fyrst gefinn út árið 1993 fyrir Macintosh. Í leiknum ferðast leikmaðurinn með notkun bókar til dularfullrar eyju sem heitir Myst. Spilarinn notar hluti og ferðast um umhverfið með því að smella á forteiknaðar myndir. Lausn þrauta leyfir leikmanni að ferðast til annara heima ("Alda") sem sýna forsögu persónu leikjanna og hjálpa leikmanni að velja hverjum hann á að aðstoða.

Miller-bræðurnir byrjuðu leikjaþróunina í svart-hvítu, aðallega sögulaus verk ætluð börnum. Þeir vildu að Myst yrði grafískur leikur með ólínulegri sögu og leyndardómsfullum þáttum sem ætlaðir eru fullorðnum. Hönnun leiksins var takmörkuð af litlu minni leikjatölvanna og hægum hraða geisladrifsins. Leikurinn var búinn til á Apple Macintosh tölvum og keyrði á HyperCard hugbúnaðinum, þó að útfærslur til annara talvna hafi þurft að keyra á annari leikjavél.

Sala Myst var vel heppnuð. Gagnrýnendur hrósuðu getu leiksins til að sökkva leikmönnum í skáldaða heiminn. Hann hefur verið kallaður einn áhrifamesti og besti tölvuleikur sem gerður hefur verið. Myst seldist í meira en sex milljónum eintaka og var mest seldi PC-leikurinn í næstum áratug, þangað til Sims tók við árið 2002. Leikurinn hjálpaði við sölu geisladrifins, varð að leikjaröð og var uppspretta eins leikja, gríns og nýrra leikjaflokka auk bókmennta og annarar margmiðlunar. Leikurinn hefur verið útfærður yfir á aðrar tölvur og endurgerður mörgum sinnum.