Mylla

Sjá aðgreiningarsíðuna fyrir yfirlit yfir aðrar merkingar „mylla“

Mylla er mannvirki sem malar og mylur, og er hún í raun stærðarinnar kvörn. Í gamla daga þá voru þær einnig kallaðar „mylna“ og eiga bæði orðin rætur að rekja til latneska orðsins molina sem þýðir einfaldlega mylla og er dregið af oðrum sem þýða að mylja eða mala.

Þrátt fyrir að hefðbundnar myllur séu almennt tengdar við að mala korn, þá eru til myllur sem tengjast annari framleiðslu síðan iðnbyltingin fór af stað, og má þá nefna t.d. sögunarmyllur fyrir timburframleiðslu eða raforkumyllur sem framleiða rafmagn.

Gerðir af myllum

Það voru til ýmsar gerðir af myllum, sem eru þá yfirleitt nefndar eftir þeim aflgjafa sem knýr gírana sem snúa myllusteininum, annars eru þær stundum nefndar eftir þeirri vinnslu sem fer fram í henni.

Vindmylla

Aðalgrein: vindmylla

Vindmyllur hafa stór vind-segl til að nýta sér vindorku til að snúa myllusteini eða framleiða rafmagn (raforku-vindmylla).

• 
  Dönsk vindmylla, byggð 1895.
• 
  Gírar innan í gamalli vindmyllu
• 
  Myllusteinn tengdur við gíra með rás fyrir kornið (á safni)

Vatnsmylla

Aðalgrein: vatnsmylla

Stór vatnshjól eru látin í flæðandi vatn og snúningur þess knýr vatnsmylluna

• 
  Vatnshjól fyrir myllu í Belgíu (frá 12. öld)
• 
  Vatnsmylla séð innanfrá

Myllur sem nota mannafl (eða dýr)

Það voru til myllur sem voru knúnar af stóru hjóli, disk eða kefli með þrepum sem fólk steig á til þess að knýja mylluna og var þetta lausn fyrir staði sem höfðu hvorki öflugan straum af vatni né stöðugt vindafl til að knýja myllur.

Slíkar myllur notuðu margar hverjar hesta eða önnur dýr til þess að láta þær ganga og á victoríu-tímabilinu voru fangar látnir vinna í slíkum myllum til þess að nýta mannaflið í að mala korn eða dæla vatni.

• 
  Teikning af myllu knúin af mannafli
• 
  „Göngumylla“ notuð í fangelsi frá circa. 1817
• 
  Líkan af gönguhjóli knúið af nautgrip

Óhefðbundnar myllur

Óhefðbundnar myllur fóru að spretta upp með iðnbyltingunni í kringum 1760 í Bretlandi. Tæknin sem myllur gengu fyrir var tilvalin til að knýja aðrar vélar og verk á borð við málmvinnslu, timburiðnað og vefnað. Fleirri óhefðbundnar myllur fóru að spretta upp í kringum 1914, í seinni heimstyrjöldinni, með aukinni þörf á framleiðslu á ýmsum varningi.

Núorðið eru flestar hefðbundnar myllur einungis notaðar í menningarlegum tilgangi því ekki er lengur þörf á þeim í kornvinnslu þar sem nýrri tækni hefur tekið við, og með iðnbyltingunni þá hefur orðið mylla fengið á síg þá merkingu að vera mannvirki sem knýr einfaldar vélar í iðnaði.

Sögunarmylla

Þetta eru myllur sem eru notaðar til að hreyfa sagblað í stað myllusteins, og voru notaðar í timburframleiðslu.

Tengt efni

• Kvörn