Monera
Monera (úr grísku μονήρης moneres „stakur“) var áður ríki einfruma dreifkjörnunga. Nú er dreifkjörnungum skipt milli tveggja léna: gerla og fyrna.[1][2]
Fyrstur til að stinga upp á fylkinu Monera var Ernst Haeckel árið 1866. Löngu síðar, eða árið 1925, stakk Édouard Chatton upp á því að gera það að sérstöku ríki. Það var eitt af fimm ríkjum í kerfi Roger Whittaker árið 1969.[3] Whittaker skipti einfrumungum í dreifkjörnunga (Monera) og heilkjörnunga (Protista). Whittaker var samt á þeirri skoðun að ríki hans væru ekki einstofna.[1] Árið 1977 sýndu Carl Woese og George Fox fram á að fyrnur væru jafn óskyldar bakteríum og heilkjörnungum, sem vakti mikla athygli og deilur. Sumir vísindamenn, líkt og Thomas Cavalier-Smith, hafna því að fyrnur eigi heima í sérflokki og vilja enn flokka þær með bakteríum.[4]
Tilvísanir
[breyta | breyta frumkóða]- 1 2 Jan Sapp (júní 2005). „The Prokaryote-Eukaryote Dichotomy: Meanings and Mythology“. Microbiology and Molecular Biology Reviews. 69 (2): 292–305. doi:10.1128/MMBR.69.2.292-305.2005. PMC 1197417. PMID 15944457.
- ↑ Holland L. (22 maí 1990). „Woese, Carl in the forefront of bacterial evolution revolution“. Scientist. 4 (10).
- ↑ R H Whittaker (1969). „New concepts of kingdoms or organisms. Evolutionary relations are better represented by new classifications than by the traditional two kingdoms“. Science. 163 (3863): 150–160. Bibcode:1969Sci...163..150W. CiteSeerX 10.1.1.403.5430. doi:10.1126/science.163.3863.150. PMID 5762760.
- ↑ Cavalier-Smith, T. (2004), „Only six kingdoms of life“ (PDF), Proc. R. Soc. Lond. B, 271 (1545): 1251–62, doi:10.1098/rspb.2004.2705, PMC 1691724, PMID 15306349, sótt 29 apríl 2010
