Mike Patton

Mike Patton
Fæddur	Michael Allan Patton 27. janúar 1968 (1968-01-27) Eureka, Kalifornía, Bandaríkin
Störf	Söngvari lagahöfundur plötuframleiðandi
Ár virkur	1984–
Tónlistarferill
Stefnur	framúrstefna tilrauna jaðarrokk jaðarþungarokk Fönkmetal Art popp Nútímaklassík

Patton með forsetahjónunum í Síle á Ennio Morricone-tónleikum.

Michael Allan Patton (f. 27. janúar, 1968) er bandarískur söngvari, lagahöfundur og framleiðandi. Hann er best þekktur sem söngvari hljómsveitanna Faith No More og Mr. Bungle. Patton er þekktur fyrir vítt raddsvið.

Hann hefur einnig starfað með sveitum eins og Tomahawk, The Dillinger Escape Plan, Fantômas, Moonchild Trio, Kaada/Patton, Dead Cross, Lovage, Mondo Cane, the X-ecutioners og Peeping Tom. Þar að auki hefur hann gestað hjá ýmsum eins og Björk á plötunni Medúlla (2004) og hálf-Íslendingnum Eyvindi Kang við óperuverk. Patton er vinur trommarans Dave Lombardo og hefur unnið með honum í nokkrum hljómsveitum.

Árið 2010 kom út verk Pattons með 30 manna sinfóníusveit, Mondo Cane, þar sem ítölsk popplög frá 6. og 7. áratug 20. aldar voru flutt. Patton var giftur ítalskri konu og talar ítölsku.

Patton hefur einnig ljáð kvikmyndum röddu sína. Hann stofnaði plötufyrirtækið Ipecac Recordings árið 1999.

Rígur hefur verið milli Pattons og Anthony Kiedis, söngvara Red Hot Chili Peppers en sá síðarnefndi sakaði Patton um að herma eftir stíl sínum seint á 9. áratugnum þegar Faith No More gaf út plötuna The Real Thing