Miðjarðarhafið
Úr Wikipediu, frjálsa alfræðiritinu
Samsett gervihnattarmynd af Miðjarðarhafinu
Miðjarðarhafið er innhaf sem tengist Atlantshafinu um Gíbraltarsund. Hafið markast af þremur heimsálfum; í norðri af Evrópu, í austri af Asíu og í suðri af Afríku. Hafið nær yfir 2.5 milljón ferkílómetra stórt svæði. Ísraelsmenn til forna nefndu Miðjarðarhafið Hafið mikla, þar sem það var eina þekkta heimshafið á þeirra tíma.
Nafnsifjar[breyta | breyta frumkóða]
Nafnið Miðjarðarhaf kemur úr latínu mediterraneus (medius, miðja + terra, jörð). Rómverjar kölluðu það Mare Nostrum („okkar haf“).
Landafræði[breyta | breyta frumkóða]
Miðjarðarhafið tengist Atlantshafi um Gíbraltarsund í vestri og Marmarahafi og Svartahafi um Bosporussund og Dardanellasund í austri. Súesskurðurinn tengir Miðjarðarhaf við Rauðahaf yfir Súeseiðið í Egyptalandi.
Í hafinu er gríðarlegur fjöldi eyja. Meðal þeirra stærstu eru:
- Íbísa, Majorka og Menorka (Baleareyjar) í vestri
- Kýpur, Krít, Evboea og Rótey í austri
- Sardinía, Korsíka, Sikiley og Malta í miðjunni