Metal Gear Solid V: The Phantom Pain
Metal Gear Solid V: The Phantom Pain er leikur frá 2015 sem Konami þróaði og gaf út. Leikstýrt, skrifað og hannað af Hideo Kojima (sem síðasta verk hans hjá Konami), er níundi leikurinn í röð Metal Gear tölvuleikjanna, á eftir Metal Gear Solid V: Ground Zeroes, sjálfstæðum inngangi sem kom út árið áður. Sagan gerist 1984, níu árum eftir atburði Ground Zeroes og fjallar um málaliða leiðtogann Punished "Venom" Snake þegar hann fer til Afganistan og landamæra Angóla og Zaire til að hefna sín á þeim sem eyðilögðu her hans og næstum drápu hann í Ground Zeroes.
Leikurinn er spilaður frá þriðju persónu sjónarhorni í opnum heimi sem er hægt að skoða fótgangandi eða með ferðamáta. Snake getur notað fjölda vopna og hluta og fengið aðstoð frá nokkrum gervigreindarfélögum, sem gerir spilaranum kleift að berjast gegn andstæðinginum laumulega eða beint. Hægt er að flytja óvinahermenn og auðlindir á vettvangi til höfuðstöðva Snake, sem gerir honum kleyft að stækka við sig og þróa frekari tækni. Leikurinn inniheldur tvo fjölspilunar möguleika, Metal Gear Online (einnig þekkt sem Metal Gear Online 3) og Forward Operating Bases (FOBs); síðarnefndi möguleikinn gerir leikmönnum kleift að þróa FOB, sem aðrir leikmenn geta ráðist inn í.
Metal Gear Solid V: The Phantom Pain var gefin út á PlayStation 3, PlayStation 4, Windows, Xbox 360 og Xbox One 1. september 2015. Það hlaut lof gagnrýnenda, hrós fyrir spilunina, opna heiminn, grafík, þemu og frammistöðu. Skiptar skoðanir voru á frásögn hans og ákveðnum breytingum á forskrift leikjanna, en útlit persónunnar Quiet vakti gagnrýni. Endurtekin verkefni leiksins, endirinn og fjarlægða efnið leiddu til þess að sumir skilgreindu hann sem óloknum. The Phantom Pain hafði selst í 6 milljónum eintaka í desember 2015. Hann hlaut nokkur verðlaun og er talinn vera einn besti laumuleikur allra tíma. Metal Gear Solid V: The Definitive Experience, samansafn sem inniheldur bæði The Phantom Pain og Ground Zeroes, ásamt öllu viðbótarefni fyrir báða leikina, kom út í október 2016.
Yfirlit
[breyta | breyta frumkóða]Sögusvið
[breyta | breyta frumkóða]Í kjölfar atburða Ground Zeroes og eyðileggingar Militaires Sans Frontières (MSF) fellur Big Boss ( Kiefer Sutherland / Akio Ōtsuka ) í dá. [1] Níu árum síðar vaknar hann og hjálpar við að leiða nýjan málaliðahóp, Demanta hundana.[2] Hann tekur upp gælunafnið „eitursnákur“, fer inn í Afganistan á meðan Sovét-Afganistanstríðinu stendur og landamærahéraðið Angóla — Zaire í miðri Angóla borgarastyrjöldinni til að finna fólkið sem eyðilagði MSF. Í leiðinni kynnist hann fyrrum keppinaut sínum Ocelot (Troy Baker / Satoshi Mikami) og hittir Quiet (Stefanie Joosten), morðingja og leyniskyttu með yfirnáttúrulega hæfileika. Á meðan hann og Kazuhira Miller ( Robin Atkin Downes / Tomokazu Sugita ) upphaflega leitast eftir hefnd, uppgvötvar Snake samsæri Cipher samtakanna um þróun nýs líkans af Metal Gear sem kallast ST-84 „Sahelanthropus“.[3]
Heimildir
[breyta | breyta frumkóða]- Fyrirmynd greinarinnar var „Metal Gear Solid V: The Phantom Pain“ á ensku útgáfu Wikipedia. Sótt 8. mars 2025.
- ↑ Ishaan (27. mars 2013). „Metal Gear Solid V Trailer Is Ground Zeroes + The Phantom Pain“. Siliconera. Sótt 2 apríl 2013.
- ↑ Stanton, Rich (16. desember 2015). „Whatever happened to Metal Gear Solid games creator Hideo Kojima? | Technology“. The Guardian. Sótt 22. desember 2015.
- ↑ Wales, Matt (10. mars 2017). „Metal Gear Solid 5 - Sahelanthropus boss fight and how to beat the final mission“. Eurogamer. Sótt 29. desember 2017.
