McDonald's meistaramótið

McDonald's meistaramótið (enska: McDonald's Championship) var alþjóðleg körfuknattleikskeppni karla þar sem lið úr NBA deildinni mætti liðum frá Evrópu, Suður Ameríku og áströlsku NBL-deildinni en auk þess tóku landslið Sovíetríkjanna og Júgóslavíu þátt. Keppnin var hleypt af stokkunum sem McDonald's Open árið 1987 og en endurnefnd sem McDonald's Championship árið 1995. Meistarar FIBA EuroLeague tóku þátt í keppninni frá þriðju útgáfu hennar árið 1989, en NBA meistararnir tóku þátt frá árinu 1995 og til loka keppninnar árið 1999.

Keppnin fékk mikla athygli fjölmiðla og aðdáenda og var haldin árlega frá 1987 til 1991. Þó að hún hafi verið helgarlangur viðburður á undirbúningstímabil flestra liða í lok október, þá samþykktu bæði FIBA og NBA keppnina formlega sem opinbert meistaramót. Keppnin var ekki haldin árin 1992, 1994 og 1996 vegna þátttöku NBA leikmanna á Ólympíuleikunum og í FIBA heimsmeistarakeppninni, og einnig árið 1998 vegna verkbanns í NBA. Stigahæstur allra tíma í keppninni er Bandaríkjamaðurinn Bob McAdoo sem skoraði 158 stig í tveimur keppnum með Olimpia Milano. Keppnin var ekki haldin eftir 1999 í kjölfar deilna FIBA við hóp af félagsliðum úr EuroLeague deildinni.

Úrslit

Ár		Úrslitaleikir
		Meistarar	Úrslit	Annað sæti
1987		Milwaukee Bucks	127-100	Sovéska landsliðið
1988		Boston Celtics	111–96	Real Madrid
1989		Denver Nuggets	135–129	Jugoplastika
1990		New York Knicks	117–101	POP 84
1991		Los Angeles Lakers	116–114	Montigalà Joventut
1993		Phoenix Suns	112–90	Buckler Beer Bologna
1995		Houston Rockets	126–112	Buckler Beer Bologna
1997		Chicago Bulls	104–78	Olympiacos
1999		San Antonio Spurs	103–68	Vasco da Gama