Master of Reality er þriðja breiðskífa ensku hljómsveitarinnar Black Sabbath . Gítarleikari sveitarinnar Tony Iommi stillti gítarinn mjög lágt til að auðveldara væri að slá á strengina en hann hafði misst framan af fingrum í slysi. Útkoman var að tónlistin varð þyngri. [1] Platan hafði áhrif á mismunandi stefnur þungarokks eins og dómsdagsmálm, stóner-rokk og sludge metal. Lagið Sweet Leaf er óður til marijúana og lagið After Forever fjallar um kristni. Iommi spilar á píanó og flautu í ballöðunni Solitude.
Platan komst í 8. sæti á Billboard-listann í Bandaríkjunum og var eina Sabbath platan til þess að gera það þar til endurkomuplatan 13 kom út. [2]
