Mary Baker Eddy
Mary Baker Eddy (fædd Baker; 16. júlí 1821 – 3. desember 1910) var bandarískur trúarleiðtogi og rithöfundur sem stofnaði kristilegu vísindakirkjuna árið 1879. Kirkjan er skilgreind sem móðurkirkja kristilegu vísindahreyfingarinnar sem Eddy stofnaði. Eddy boðaði að Jesús Kristur hefði verið heilari og að Biblían geymdi lýsingar á heilunaraðferðum sem hægt væri að beita til að lækna ýmsa kvilla á borð við gigt, exem, astma og heyrnarleysi.[1] Eddy var undir áhrifum kenninga um orkulækningar, eins og sefjunar, en leit á þær sem andstæðu kristilegra vísinda. Hún hafði sjálf verið sjúklingur hjá Phineas Parkhurst Quimby sem beitti sefjun, en var ekki jafn sannfærður um trúarlega þýðingu hugarlækninga og Eddy.[2] Hún aðhylltist spíritisma um skeið en hafnaði honum síðar á ævinni.[3]
Árið 1875 gaf hún út bókina Health and Science þar sem hún lýsti helstu aðferðum kristilegra vísinda sem hún kenndi nemendum. Hún giftist árið 1877 einum nemenda sinna, Asa Gilbert Eddy, og tók upp ættarnafn hans.[4] Gilbert Eddy lést 1881, en Mary helgaði líf sitt eftir það kristilegu vísindakirkjunni sem hún stofnaði ásamt nemendum sínum árið 1879.[5] Hún stofnaði útgáfufyrirtæki árið 1889 og árið 1908 hóf hún útgáfu dagblaðsins The Christian Science Monitor sem kom út á prenti til 2009.[6]
Tilvísanir
[breyta | breyta frumkóða]- ↑ Hall, Irene (1. september 2007). „Mary Baker Eddy and Christian Science“. Feminist Theology. 16 (1): 79–88. doi:10.1177/0966735007082518. ISSN 0966-7350.
- ↑ Frerichs, Ernest S., ritstjóri (1988). The Bible and Bibles in America (enska). Scholars Press. ISBN 978-1-55540-096-5.
- ↑ Rapport, Jeremy (2015). „The Nature of Reality: Christian Science and Spiritualism“. Í Guttierez, Cathy (ritstjóri). Handbook of Spiritualism and Channeling (enska). Leiden: Brill. bls. 199–218. doi:10.1163/9789004264083_011. ISBN 978-90-04-26408-3.
- ↑ Beasley, Norman (1963). Mary Baker Eddy (enska). Duell, Sloan and Pearce.
- ↑ Cather, Willa; Milmine, Georgine (1993) [Originally published 1909]. The Life of Mary Baker G. Eddy and the History of Christian Science (enska). Lincoln: University of Nebraska Press. ISBN 978-0-8032-1453-8. Sótt 1 maí 2023.
- ↑ Fuller, Linda K. (2011). The Christian Science Monitor: An Evolving Experiment in Journalism. Santa Barbara, CA: Praeger.
