Magnús Þórarinn Torfason

Magnús Þórarinn Torfason (1922-1993) var íslenskur lögfræðingur, prófessor og hæstaréttardómari.

Magnús var fæddur á Halldórsstöðum í Laxárdal í Suður-Þingeyjarsýslu þann 5. maí 1922. Hann lauk stúdentsprófi frá Menntaskólanum á Akureyri árið 1942 og embættisprófi í lögfræði frá Háskóla Íslands 1949. Að loknu embættisprófi starfaði hann í viðskiptaráðuneytinu og sem fulltrúi borgardómarans í Reykjavík. Árið 1955 var hann skipaður prófessor við lagadeild. 1970 var hann skipaður dómari við hæstarétt, gegndi hann því embætti til ársins 1987.