Magnús Þór Hafsteinsson
| Magnús Þór Hafsteinsson | |||||||||
|---|---|---|---|---|---|---|---|---|---|
 | |||||||||
| Alþingismaður | |||||||||
| |||||||||
| Persónulegar upplýsingar | |||||||||
| Fæddur | 29. maí 1964 Akranes, Íslandi | ||||||||
| Látinn | 30. júní 2025 (61 árs) Patreksfjörður, Ísland | ||||||||
| Börn | 4 | ||||||||
| Háskóli | Bændaskólinn á Hólum (1986) Héraðsháskóli Sogns og Firðafylkis (1991) Háskólinn í Björgvin (1994) | ||||||||
| Æviágrip á vef Alþingis | |||||||||
Magnús Þór Hafsteinsson (29. maí 1964 á Akranesi- 30. júní 2025) var íslenskur blaðamaður, alþingismaður, bú- og fiskifræðingur og strandveiðimaður. Hann sat á þingi fyrir Frjálsynda flokkinn frá 2003 til 2007 og var um skeið varaformaður flokksins og þingflokksformaður. Hann var varabæjarfulltrúi Frjálslynda flokksins á Akranesi á árunum 2006 til 2010.[1] Magnús var í framboði fyrir Flokk fólksins í alþingiskosningum 2017 og náði þá ekki kjöri, en var starfsmaður þingflokks Flokks fólksins til 2021.
Magnús Þór menntaði sig sem búfræðingur með fiskeldi sem sérgrein á Bændaskólanum á Hólum. Hann fór svo í framhaldsnám í Noregi í fiskeldi og fiskifræðum. Hann var rannsóknamaður við Veiðimálastofnun og hafrannsóknastofnanir Íslands og Noregs frá 1989 til 1997.[1]
Magnús starfaði sem blaðamaður og var fréttaritari Ríkisútvarpsins í Noregi og síðar fréttamaður í sjónvarpi og útvarpi hjá RÚV. Einnig var hann blaðamaður hjá norska sjávarútvegsblaðinu Fiskaren.[1]
Magnús þýddi og ritaði bækur. Meðal bóka sem hann þýddi var Lífið á jörðinni okkar eftir David Attenborough, Kúbudeiluna 1962 eftir Max Hastings og norskar glæpasögur.[2] Hann var áhugamaður um seinni heimsstyrjöld og ritaði bækur tengdar henni.[3]
Magnús lést er strandveiðibátur hans, Ormurinn langi AK-64, sökk fyrir Patreksfirði þann 30. júní 2025 en við slysið blés björgunarbátur hans ekki út.[4] Í kjölfar þess hóf Samgöngustofa athuganir á frágangi gúmmíbjörgunarbáta og svipti í kjölfarið 120 skip haffærisskírteini en þau höfðu öll verið þjónustuð af sama fyrirtæki, Skipavík, sem skilaði inn starfsleyfi sínu eftir að málið kom upp.[5]
Bækur
[breyta | breyta frumkóða]- Tarfurinn frá Skalpaflóa (2014)
- Vargöld á vígaslóð – frásagnir tengdar Íslandi úr seinni heimsstyrjöldinni (2017)
- Martröð í Mykinesi (2020)
Tilvísanir
[breyta | breyta frumkóða]- 1 2 3 Róbert Jóhannsson (1 júlí 2025). „Magnús Þór Hafsteinsson er látinn“. RÚV. Sótt 1 júlí 2025.
- ↑ Kolbeinn Tumi Daðason (7 janúar 2025). „Magnús Þór lést við strandveiðar“. Vísir.is. Sótt 3 júlí 2025.
- ↑ „Magnús Þór Hafsteinsson – Forlagið bókabúð“. Afrit af upprunalegu geymt þann 13 júní 2024. Sótt 3 júlí 2025.
- ↑ Kolbeinn Tumi Daðason (7. mars 2025). „Björgunarbátur Ormsins langa blés ekki út“. Vísir.is. Sótt 3 júlí 2025.
- ↑ Iðunn Andrésdóttir (19. september 2025). „Hófu athugun í kjölfar banaslyss í Patreksfirði“. RÚV. Sótt 20. september 2025.
