Magallanes-hérað
Magallanes-hérað (spænska: Región de Magallanes y de la Antártica Chilena) er eitt af 16 héruðum Síle. Höfuðstaðurinn er borgin Punta Arenas þar sem flestir íbúarnir búa. Héraðið er það syðsta í landinu, það stærsta og er það næstfámennast með rúma 166.000 íbúa (2024). Flatarmál eru rúmir 132.000 ferkílómetrar. Nafnið er tilvísun í Magellansund. Líkt og Argentína gerir Síle tilkall til svæðis á Suðurskautinu og er það stundum talið til héraðsins.
Í héraðinu eru meðal annars jöklar (Suður Patagóníu-jökull), fjöll og eyjar. Torres del Paine-þjóðgarðurinn hefur að geyma sérstæða tinda en aðrir þjóðgarðar eru Alberto de Agostini-þjóðgarðurinn, Bernardo O'Higgins-þjóðgarðurinn, Cabo de Hornos-þjóðgarðurinn og Kawésqar-þjóðgarðurinn. Skógar snælenju eru þeir syðstu í heimi.
Syðsta hluta Suður-Ameríku má finna á Hornhöfða. Stóra Eldlandsey er stærsta eyjan og deilir Síle henni með Argentínu.
Magalles er ennfremur skipt í sýslurnar: