Fara í innihald

Múhameð bin Zayed Al Nahyan

Úr Wikipediu, frjálsa alfræðiritinu
Múhameð bin Zayed Al Nahyan
محمد بن زايد آل نهيان
Sjeik Múhameð árið 2024.
Forseti Sameinuðu arabísku furstadæmanna
Núverandi
Tók við embætti
14. maí 2022
ForsætisráðherraMúhameð bin Rashid Al Maktoum
VaraforsetiMúhameð bin Rashid Al Maktoum
Mansour bin Zayed Al Nahyan
ForveriKhalifa bin Zayed Al Nahyan
Merki Abú Dabí
Emír Abú Dabí
Núverandi
Tók við embætti
14. maí 2022
ForveriKhalifa bin Zayed Al Nahyan
Persónulegar upplýsingar
Fæddur11. mars 1961 (1961-03-11) (65 ára)
Al Ain, Abú Dabí, Sáttastrandarríkjunum
MakiSalama bint Hamdan Al Nahyan (g. 1981)
TrúarbrögðSúnní
Börn11
MóðirFatima bint Mubarak Al Ketbi
FaðirZayed bin Sultan Al Nahyan
HáskóliRoyal Military Academy Sandhurst

Sjeik Múhameð bin Zayed bin Sultan Al Nahyan (محمد بن زايد آل نهيان; f. 11. mars 1961), einnig þekktur sem MbZ er þriðji og núverandi forseti Sameinuðu arabísku furstadæmanna og emír af Abú Dabí frá árinu 2022.[1][2]

Múhameð bin Zayed er þriðji sonur Zayed ben Sultan al Nahyan, fyrsta forseta Sameinuðu arabísku furstadæmanna og emírs af Abú Dabí.[3] Árið 2014, þegar hálfbróðir Múhameðs, forsetinn og emírinn Khalifa bin Zayed Al Nahyan, fékk heilablóðfall, tók Múhameð bin Zayed í reynd við völdum í ríkinu. Hann tók formlega við völdum daginn eftir að Khalifa lést átta árum síðar, þann 14. maí 2022.[4]

Árið 2019 taldi The New York Times Múhameð bin Zayed voldugasta leiðtoga Araba og einn þann voldugasta í heimi.[5][6] Sama ár taldi tímaritið Time hann meðal 100 áhrifamestu einstaklinga ársins.[7][8]

Innanríkisstefna

[breyta | breyta frumkóða]

Innan Sameinuðu arabísku furstadæmanna hefur Múhameð bin Zayed lagt áherslu á að bæla niður alla starfsemi Bræðralags múslima. Hann hefur byggt upp lögregluríki þar sem stjórnvöld hafa eftirlit með öllum landsmönnum til að fyrirbyggja uppgang íslamistahreyfinga eða aðrar ógnir gegn einveldinu.[9]

Utanríkisstefna

[breyta | breyta frumkóða]

Ásamt bandamönnum sínum í Sádi-Arabíu studdi Múhameð bin Zayed valdaránið í Egyptalandi 2013 þar sem forsetanum Múhameð Morsi var steypt af stóli.

Múhameð bin Zayed er náinn bandamaður Bandaríkjanna en hann var engu að síður gagnrýninn á viðleitni Baracks Obama Bandaríkjaforseta til að leita sátta við Íran. Samband Múhameðs bin Zayed við eftirmann Obama, Donald Trump, er talið betra. Bandaríska varnarmálaráðuneytið hefur þó alltaf litið á Múhameð bin Zayed sem tryggan og nytsamlegan bandamann.[10]

Múhameð bin Zayed hefur gjarnan verið álitinn lærifaðir sádi-arabíska krónprinsins Múhameðs bin Salman (MBS).[11] Undir forystu Múhameðs bin Zayed hafa Sameinuðu arabísku furstadæmin leikið lykilhlutverk í borgarastyrjöldinni í Jemen. Í stríðinu hafa furstadæmin stutt Umbreytingaráð suðursins, sem styður algera skiptingu Jemens, þrátt fyrir að Sádar hafi frá upphafi stutt ríkisstjórn Abdrabbuh Mansur Hadi forseta og eftirmanna hans.[12]

Múhameð bin Zayed hefur beitt sér gegn hryðjuverkasamtökunum Al-Shabab í Sómalíu. Hann hefur jafnframt beitt höfnum Sameinuðu arabísku furstadæmanna til að ná miklum áhrifum yfir verslun í kringum Horn Afríku. Í júní 2017 slitu Sameinuðu arabísku furstadæmin og Sádi-Arabía stjórnmálasambandi við Katar og settu viðskiptabann gegn Katörum. Katarskir ríkisborgarar voru jafnframt reknir frá Sameinuðu arabísku furstadæmunum og það var lýst glæpsamlegt og refsivert upp á þriggja til fimmtán ára fangelsi að styðja Katar á internetinu.[13]

Árið 2015 hóf MBZ afskipti af borgarstríðinu í Líbíu þrátt fyrir bann Sameinuðu þjóðanna. Samkvæmt Middle East Eye bauð Múhameð bin Zayed Bashar al-Assad þrjá milljarða Bandaríkjadala í mars 2020 til að fá hann til að gera árásir á uppreisnarsveitir sem nutu stuðnings Tyrkja í Sýrlandi. Tilraunir Sameinuðu arabísku furstadæmanna til að koma þannig af stað átökum í Idlibhéraði höfðu þann tilgang að draga athygli Tyrkja frá átökunum í Líbíu, þar sem Tyrkir studdu ríkisstjórn Fayez el-Sarraj gegn bandamanni furstadæmanna, stríðsherranum Khalifa Haftar.[14]

Múhameð bin Zayed lék mikilvægt hlutverk við samningaviðræður sem leiddu til Abrahamssamninganna við Ísrael árið 2020. Hann undirritaði jafnframt friðarsamning og kom upp stjórnmálasambandi milli Sameinuðu arabísku furstadæmanna og Ísraels þann 15. september 2020.[15]

Tilvísanir

[breyta | breyta frumkóða]
  1. ↑ Hallgerður Kolbrún E. Jónsdóttir (13. maí 2022). „Forseti Sameinuðu arabísku furstadæmanna látinn“. Vísir. Sótt 13. maí 2022.
  2. ↑ Sveinn Ólafur Melsted (14. maí 2022). „Sheikh Mohamed tekur við af hálfbróður sínum“. RÚV. Sótt 14. maí 2022.
  3. ↑ „Sheikh Zayed ibn Sultan Al Nahyan | Biography, Achievements, & History | Britannica“. britannica.com (enska). 17 júlí 2023. Sótt 5 ágúst 2023.
  4. ↑ AFP (14 maí 2022). „Mohammed ben Zayed élu président des Émirats par un Conseil suprême“. Le Figaro..
  5. ↑ „The Most Powerful Arab Ruler Isn't M.B.S. It's M.B.Z.“..
  6. ↑ Mohammed bin Zayed's Dark Vision of the Middle East's Future, 9. janúar 2020 (tengill)
  7. ↑ „Crown Prince Mohamed bin Zayed: The 100 Most Influential People of 2019“. TIME (bandarísk enska). Sótt 5 ágúst 2023..
  8. ↑ „Mohammad Bin Zayed named among Time's 100 most influential people 2019“. gulfnews.com (enska). 18 apríl 2019. Sótt 5 ágúst 2023..
  9. ↑ Christophe Ayad et Benjamin Barthe (12 maí 2020). „« MBZ », le véritable homme fort du Golfe“. lemonde.fr. Le Monde. Sótt 17 maí 2020. „La répression n'a pas touché que les « barbus ». Après les « printemps arabes » de 2011, qui ont donné des sueurs froides à tous les monarques du Golfe, les EAU se sont transformés en Etat policier. Cybersurveillance généralisée, médias mis au pas, quadrillage des villes par les caméras. Toutes les voix critiques de l'absolutisme émirati ont été embastillées, y compris les libéraux comme le militant des droits de l'homme Ahmed Mansour. Sous la férule de « MBZ », les Emirats ont pris la tête de l'axe contre-révolutionnaire dans le monde arabe.“.
  10. ↑ Robert F. Worth (28 janúar 2020). „Pour Mohamed Ben Zayed, l'autoritarisme est l'avenir du Proche-Orient“. orientxxi.info. Orient XXI. Sótt 17 maí 2020..
  11. ↑ Catherine Gouëset (21 nóvember 2018). „Macron reçoit MBZ, le "Prince va-t-en guerre"“. L'Express.
  12. ↑ Jihâd Gillon (13. september 2018). „DIPLOMATIE Yémen : la sale guerre de Mohamed Ibn Salman“. Jeune Afrique..
  13. ↑ „UAE: Showing sympathy for Qatar on social media is a cybercrime“. english.alarabiya.net (enska)..
  14. ↑ „UAE offers Assad $3bn to strike Turkey-backed troops in Syria“. middleeastmonitor.com (enska). 9 apríl 2020..
  15. ↑ Israel-UAE-Bahrain Abraham Accords Peace Agreement, Haaaretz, 16. september 2020 (tengill).


Fyrirrennari:
Khalifa bin Zayed Al Nahyan
Forseti Sameinuðu arabísku furstadæmanna
(14. maí 2022 –)
 Eftirmaður:
Enn í embætti
Fyrirrennari:
Khalifa bin Zayed Al Nahyan
Emír Abú Dabí
(14. maí 2022 –)
 Eftirmaður:
Enn í embætti


Sótt frá „https://is.wikipedia.org/w/index.php?title=Múhameð_bin_Zayed_Al_Nahyan&oldid=1901605“