Lyftingasamband Íslands
| Lyftingasamband Íslands | |
| Fullt nafn | Lyftingasamband Íslands |
| Skammstöfun | LSÍ (ÍSÍ kerfi) |
|---|---|
| Stofnað | 27. janúar 1973 |
| Sambandsaðild | Íþrótta- og Ólympíusamband Íslands (ÍSÍ) Norræna lyftingasambandið (NWF) Evrópska lyftingasambandið (EWF) Alþjóða lyftingasambandið (IWF) |
Lyftingasamband Íslands (LSÍ) er sérsamband innan Íþrótta- og Ólympíusambands Íslands (ÍSÍ) sem stýrir málefnum ólympískra lyftinga á Íslandi. Sambandið er aðili að Alþjóða Lyftingasambandinu (IWF), Evrópska Lyftingasambandinu (EPF) og Norræna lyftingasambandinu (NWF).
Saga
[breyta | breyta frumkóða]Lyftingasamband Íslands (LSÍ) var stofnað 1973 eftir að lyftinganefnd hafði verið starfandi innan ÍSÍ frá 1969. Undir lögsögu Lyftingasambandsins voru stundaðar bæði ólympískar lyftingar og kraftlyftingar þangað til 2. mars 1985 þegar Kraftlyftingasamband Íslands var stofnað, utan ÍSÍ og aftur innan ÍSÍ árið 2010.
Aflraunir og aflraunaáhugi á sér langa sögu á Íslandi en sem keppnisíþrótt hefst sagan um 1960, fyrsta lyftingadeildin var stofnuð hjá ÍR í október 1962 og fyrsta lyftingamótið fór fram 16. janúar 1963 þar sem aðeins var keppt í jafnhendingu. Fyrsta mótið í ólympískri þríþraut (pressu, snörun og jafnhendingu) fór fram í Tjarnarbæ 9. mars 1963.[1]
Tengt efni
[breyta | breyta frumkóða]Tenglar
[breyta | breyta frumkóða]Heimildir
[breyta | breyta frumkóða]- ↑ Ágúst Ásgeirsson (2007). "Heil öld til heilla : saga ÍR í 100 ár (PDF). Íþróttafélag Reykjavíkur. bls. 599-609.