Los Glaciares-þjóðgarðurinn
Los Glaciares-þjóðgarðurinn (spænska: Parque Nacional Los Glaciares) er þjóðgarður í Santa Cruz-héraði í Argentínu. Hann var stofnaður árið 1937 og spannar 7.269 ferkílómetra. Árið 1981 var hann settur á minjaskrá UNESCO. Tæpur þriðjungur þjóðgarðsins er jöklar og koma skriðjöklar niður úr hinum víðfeðma Suður Patagóníujökli, m.a. Perito-, Upsala- og Spegazzini-jökull. [1] Graníttindar ná í yfir 3.000 metra hæð og eru þar á meðal hinir þverhníptu Fitz Roy og Cerro Torre. Argentíno-vatn og Viedma-vatn eru stór vötn. Hið fyrrnefnda er stærsta vatn Argentínu. Í skógum þjóðgarðsins eru trjátegundirnar hvítlenja og snælenja. Fjallaljón, gúanakka, húemúl-hjartadýr og suður-amerískur grárefur eru meðal spendýra. Torres del Paine-þjóðgarðurinn er aðliggjandi þjóðgarður í Síle.
Tenglar
[breyta | breyta frumkóða]Tilvísanir
[breyta | breyta frumkóða]- ↑ Los Glaciares National Park Unesco