Lindsey Graham
| Lindsey Graham | |
|---|---|
 Graham árið 2013. | |
| Öldungadeildarþingmaður fyrir Suður-Karólínu | |
| Í embætti 3. janúar 2003 – 11. júlí 2026 | |
| Forveri | Strom Thurmond |
| Persónulegar upplýsingar | |
| Fæddur | 9. júlí 1955[1] Central, Suður-Karólínu, Bandaríkjunum |
| Látinn | 11. júlí 2026 (71 árs) Washington, D.C., Bandaríkjunum. |
| Stjórnmálaflokkur | Repúblikanaflokkurinn |
| Undirskrift |  |
| Vefsíða | |
Lindsey Olin Graham (9. júlí 1955 - 11. júlí 2026) var bandarískur stjórnmálamaður og lögfræðingur sem sat á Bandaríkjaþingi frá 1995 til 2026 sem þingmaður Repúblikana frá Suður-Karólínu. Frá 1995 til 2003 sat hann í Fulltrúadeildinni en frá 2003 til dánardags í Öldungadeildinni.
Graham fæddist í Central, Suður-Karólínu. Hann útskrifaðist frá University of South Carolina með BA gráðu í sálfræði 1977 og lögfræði 1981. Hann starfaði fyrir herdómstól bandaríska flughersins frá 1982 til 1988 sem yfirsaksóknari í Evrópu. Graham starfaði svo sem lögmaður á eigin stofu þar hann náði kjöri til fulltrúadeildar ríkisþings Suður-Karólínu þar sem hann sat 1993 til 1995. Hann náði svo fyrst kjöri til fulltrúadeildar Bandaríkjaþings árið 1995 og sat í henni til 2003 sem þingmaður þriðja kjördæmis Suður-Karólínu. Í kosningunum 2002 náði hann kjöri til öldungadeildar Bandaríkjaþings sem annar af tveimur fulltrúum Suður-Karólínu þar og hlaut svo endurkjör 2008, 2014 og 2020. Hann hafði hlotið útnefningu Repúblikana sem frambjóðandi flokksins fyrir kosningarnar 2026 en lést áður en kosningarnar fóru fram.
Graham var almennt talinn til svonefndra „hauka“ í bandarískum stjórnmálum en það eru þeir sem viljugastir eru til þess að beita hervaldi í utanríkisstefnu Bandaríkjanna. Hann var ötull stuðningsmaður hernaðaríhlutunar gegn stjórnvöldum í Íran og tilrauna til að bola klerkastjórninni þar frá völdum.[2][3] Hann var einnig ötull stuðningsmaður Ísraels og náins sambands þess við Bandaríkin.[4][5] Hann var einnig áberandi fyrir stuðning sinn við Úkraínu eftir að innrás Rússa hófst 2022.
Graham sóttist í fyrstu eftir útnefningu Repúblikana fyrir forsetakosningarnar 2016 en féll frá því áður en forkosningarnar hófust.[6] Hann var gagnrýninn á forsetaframboð Donald Trump 2016 en varð tryggur bandamaður hans eftir að hafa hitt hann árið 2017.[7][8] Graham lést í embætti 11. júlí 2026 eftir óvænt og skyndileg veikindi, skömmu eftir 71 árs afmæli sitt.[9]
Tilvísanir
[breyta | breyta frumkóða]- ↑ „GRAHAM, Lindsey O.“. Biographical Directory of the United States Congress. Afrit af uppruna á 12 júlí 2026. Sótt 12 júlí 2026.
- ↑ „Top GOP Senator Lindsey Graham Dies at 71 After Sudden Illness, Office Announces“. Haaretz. 12 júlí 2026. Sótt 12 júlí 2026.
- ↑ Fortinsky, Sarah (30. mars 2026). „Graham's views on Iran war come under attack from Republicans“. The Hill (bandarísk enska). Afrit af uppruna á 31. mars 2026. Sótt 2 júlí 2026.
- ↑ „Lindsey Graham: A warmonger in the service of Israel and the defence industry“. Middle East Monitor. 13. mars 2026. Afrit af upprunalegu geymt þann 25 maí 2026. Sótt 2 júlí 2026.
- ↑ Levitz, Eric (10 október 2019). „Lindsey Graham Said Syrian Kurds Were 'Threat' to Turkey in Prank Call“. Intelligencer (enska). Afrit af upprunalegu geymt þann 24 júlí 2025. Sótt 9 júní 2026.
- ↑ Rappeport, Alan (21 júní 2015). „Lindsey Graham Announces Presidential Bid“. The New York Times. Afrit af uppruna á 17 nóvember 2020. Sótt 21 júní 2015.
- ↑ Hains, Tim (7 júní 2016). „Lindsey Graham Takes The Off-Ramp: "I'm Not Supporting Mr. Trump"“. RealClearPolitics (citing NBC news). Afrit af uppruna á 27. mars 2019. Sótt 17 nóvember 2020.
- ↑ Miller, Lisa (16. september 2018). „The "Little Jerk" Once defined by his loathing for Trump, Lindsey Graham is now all-in for the president. Why?“. New York. Afrit af uppruna á 17 nóvember 2020. Sótt 28. september 2020.
- ↑ „Lindsey Graham látinn“. Ríkisútvarpið. 12. júlí 2026.