Linda Dröfn Gunnarsdóttir

Linda Dröfn Gunnarsdóttir (f. 1975) er framkvæmdastýra Kvennaathvarfsins. Hún tók við starfinu árið 2022 af Sigþrúði Guðmundsdóttur. Árið 2024 var hún valin á lista BBC yfir 100 áhrifamestu konur heims.

Menntun

Linda er með BA-gráðu í spænsku frá Háskóla Íslands og meistaragráðu í Evrópufræðum frá Árósaháskóla. Hún lauk einnig námi í rekstri og fjármálum frá Opna háskólanum við Háskólann í Reykjavík. Auk þess hefur hún kennsluréttindi frá Háskóla Íslands.

Starfsferill

Linda hefur starfað að stjórnun ýmissa verkefna á sveitarstjórnarstigi með flóttafólki og hjá alþjóðadeild ríkislögreglustjóra. Hún var verkefnisstjóri hjá Evris, með það hlutverk að stuðla að alþjóðasamstarfi. Síðla árs 2022 var hún ráðin tímabundið sem framkvæmdastjóri stéttarfélagsins Eflingar. Hún hefur einnig gegn starfi aðstoðarframkvæmdastjóri Fjölmenningarseturs.

Í júní 2022 var hún skipuð framkvæmdastýra Samtaka um kvennaathvarf. Hún ber ábyrgð á athvörfum samtakanna í Reykjavík og á Akureyri. Í október 2024 tókst henni að útvega nýtt húsnæði fyrir athvarfið á Akureyri og tryggja áframhaldani starfsemi þess næstu þrjú árin.

Í desember 2024 var Linda á lista BBC yfir 100 áhrifamestu konur heims. Í umfjöllun BBC var haft eftir henni: „Fyrir 20 árum sneru 64% sem dvöldu hjá athvarfinu á endanum aftur til ofbeldismanna þeirra, en nú er sú tala aðeins 11% vegna bætts stuðnings og þjónustu.“ Linda var sæmd riddarakrossi Hinnar íslensku fálkaorðu fyrir störf í þágu fjöl­menn­ing­ar og þolenda kyn­bund­ins of­beld­is þann 17. júní 2025.