Liam Gallagher

Úr Wikipediu, frjálsa alfræðiritinu
Liam Gallagher
Gallagher árið 2018
Fæddur
William John Paul Gallagher

21. september 1972 (1972-09-21) (51 árs)
Störf
  • Söngvari
  • lagahöfundur
Ár virkur1991–í dag
Maki
  • Patsy Kensit
    (g. 1997; sk. 2000)
  • Nicole Appleton
    (g. 2008; sk. 2014)
Börn4
ÆttingjarNoel Gallagher (bróðir)
Tónlistarferill
Stefnur
Hljóðfæri
  • Rödd
  • tambúrína
  • gítar
Útgefandi
Áður meðlimur í
Vefsíðaliamgallagher.com

Liam Gallagher (fæddur William John Paul Gallagher þann 21. september 1972) er best þekktur sem söngvari bresku rokkhljómsveitarinnar Oasis. Hann hefur verið áberandi í rokkheiminum í Bretlandi síðan árið 1994 þegar Oasis kom fyrst fram á sjónarsviðið. Liam er þekktur fyrir að liggja ekki á skoðunum sínum og láta menn fá það óþvegið. Þá hefur hann oft lent í rifrildi við bróðir sinn Noel Gallagher, sem var gítarleikari og lagahöfundur Oasis. Bræðurnir eru báðir forfallnir aðdáendur knattspyrnuliðsins Manchester City. Liam hefur aldrei farið leynt með aðdáun sína á John Lennon og hefur sagt að Bítlalagið „Across the Universe“ sé helsta ástæðan fyrir því að hann gerðist söngvari.

Fyrst um sinn var Liam eingöngu söngvari sveitarinnar en á seinni árum hefur hann samið nokkur af lögum Oasis. Fyrsta lagið eftir Liam sem komst á plötu sveitarinnar er „Little James“ sem er að finna á Standing on the Shoulder of Giants sem kom út árið 2000. Síðustu tvær plötur sveitarinnar innihalda báðar þrjú lög eftir Liam. Á Heathen Chemistry, sem kom út árið 2002, eru það lögin „Songbird“, sem er samið til Nicole Appleton, þáverandi unnustu Liam, „Better Man“ og „Born on a Different Cloud“. Á síðustu plötu, Don't Believe The Truth, eru það lögin „Love Like a Bomb“, „Guess God Thinks I'm Abel“ og „The Meaning of Soul“ sem eru samin af Liam.

Árið 1997 giftist Liam bresku leikkonunni Patsy Kensit, líklega þekktust fyrir hlutverk sitt í Lethal Weapon 2, en þau skildu árið 2000. Með henni á Liam einn son sem heitir Lennon, eftir helsta átrúnaðargoði Liam. Þá var hann í sambandi með Nicole Appleton sem er í stúlknasveitinni All Saints. Þau eiga saman einn son, Gene.

Árið 2009 hætti Oasis eftir rifrildi bræðrana og stofnaði Liam hljómsveitina Beady Eye sem samanstóð af meðlimum Oasis án Noels en sveitin gaf út tvær breiðskífur út. Árið 2017 hóf hann sólóferil og gaf út smáskífuna „Wall of Glass“ í maí. Platan As You Were kom út sama ár.

Árið 2024 vann Liam með John Squire, gítarleikara Stone Roses. Gáfu þeir út plötu og túruðu um Evrópu og Bandaríkin. [1]

Breiðskífur[breyta | breyta frumkóða]

Beady Eye[breyta | breyta frumkóða]

  • Different Gear, Still Speeding (2011)
  • BE (2013)

Sóló[breyta | breyta frumkóða]

  • As You Were (2017)
  • Why Me? Why Not. (2019)
  • C'mon You Know (2022)

Með John Squire[breyta | breyta frumkóða]

  • Plata (2024)

Tenglar[breyta | breyta frumkóða]

Tilvísanir[breyta | breyta frumkóða]

  1. Liam Gallagher and John Squire confirm album... Loudersound, 28/1 2024