Embætti landlæknis
Embætti landlæknis (eða landlæknisembættið) er íslensk ríkisstofnun sem hefur það markmið að tryggja gæði heilbrigðisþjónustu, stuðla að heilsueflingu, og forvörnum.[1] Sá sem stýrir embættinu kallast landlæknir.
Fyrsti landlæknir á Íslandi var Bjarni Pálsson en hann var skipaður í embættti 18. mars 1760. Aðsetur landlæknis var í Nesstofu við Seltjörn á Seltjarnarnesi frá 1763 til 1834. Landlæknisembættið er nú til húsa á Austurströnd 5. Í fyrsta erindisbréfi landlæknis var honum falið að hafa umsjón með heilbrigðismálum landsins, veita sjúkum læknishjálp, kenna lækningar og uppfræða ljósmæður auk þess að vera lyfsali og sjá um sóttvarnir.
Á tímabilinu 1760–1799 voru stofnuð fimm læknisembætti á Íslandi auk embættis landslæknis og árið 1828 bættist læknisembætti í Vestmannaeyjum við.
Árið 2011 var starfsemi Lýðheilsustöðvar felld undir embætti landlæknis.
Landlæknar á Íslandi[breyta | breyta frumkóða]
- Bjarni Pálsson 1760–1779
- Jón Sveinsson 1780–1803
- Sveinn Pálsson 1803–1804 (settur)
- Tómas Klog 1804–1815
- Oddur Hjaltalín 1816–1820 (settur)
- Jón Thorstenssen 1820–1855
- Jón Hjaltalín 1855–1881
- Jónas Jónassen 1881–1882 (settur)
- Hans J. G. Schierbeck 1882–1895
- Jónas Jónassen 1895–1906
- Guðmundur Björnsson 1906–1931
- Vilmundur Jónsson 1931–1959
- Sigurður Sigurðsson 1960–1972
- Ólafur Ólafsson 1972–1998
- Sigurður Guðmundsson 1998–2006
- Matthías Halldórsson 2006–2007 (settur)
- Sigurður Guðmundsson 2007–2008
- Matthías Halldórsson 2008–2009
- Geir Gunnlaugsson 2010–2014
- Birgir Jakobsson 2015–2018
- Alma Möller 2018–
Tilvísanir[breyta | breyta frumkóða]
- ↑ „Um embættið“. Sótt 15. mars 2010.
