Lárensín

	Lútetín
Nóbelín	Lárensín	Rutherfordín
Efnatákn Lr Sætistala 103 Efnaflokkur Aktiníð Eðlismassi 15600 kg/m³ Harka Atómmassi 266 g/mól Bræðslumark 1900 K Suðumark 3000 K Efnisástand (við staðalaðstæður) Fast efni (áætlað) Lotukerfið

Lárensín er tilbúið geislavirkt frumefni með táknið Lr og sætistöluna 103. Það heitir eftir bandaríska eðlisfræðingnum Ernest Lawrence sem fann upp hringhraðalinn. Lárensín er ellefta frumefnið handan úrans og síðasta aktiníðið. Líkt og önnur frumefni með hærri sætistölu en 100 er aðeins hægt að búa lárensín til í eindahraðli með því að skjóta hlöðnum eindum á léttari frumefni. Stöðugasta samsæta lárensíns er ²⁶⁶Lr með 11 tíma helmingunartíma.

Á 6., 7. og 8. áratug 20. aldar tókust sovéskir og bandarískir vísindamenn á um hvor hefði uppgötvað efnið fyrr. Upphaflega töldu Alþjóðasamtök um hreina og hagnýta efnafræði að Bandaríkjamenn ættu tilkallið og studdu því nafnið lárensín, en 1992 breyttu þau niðurstöðunni þannig að bæði teymi fengu heiðurinn, en héldu nafninu.

Tilvísanir

  Þessi grein er stubbur. Þú getur hjálpað til með því að bæta við greinina.