Kvenréttindadagurinn

Úr Wikipediu, frjálsa alfræðiritinu
Jump to navigation Jump to search

19. júní er hátíðisdagur þar sem þvi er fagnað að 19. júní 1915 fengu konur á Íslandi, 40 ára og eldri, kosningarétt og kjörgengi til Alþingis þegar konungur samþykkti nýja stjórnarskrá. Baráttan hafði staðið frá árinu 1885 þó fyrsta opinbera krafan um kosningarétt kvenna hafi ekki komið fram fyrr en árið 1895. Árið 1918 var svo 40 ára aldursákvæði numið úr lögum.

Femínistar á Íslandi hafa frá árinu 2003 hvatt til þess að dagsins yrði minnst með því að bera eitthvað bleikt og notað kjörorðið „Málum bæinn bleikan“.

Kvenréttindafélag Íslands gefur út tímaritið 19. júní sem kemur út þennan dag og stendur fyrir hátíðardagskrá á Hallveigarstöðum.

Hátíðarhöldin 1915[breyta | breyta frumkóða]

Kvenréttindafélagið og Hið íslenska kvenfélag efndu til hátíðar þegar Alþingi var sett þann 7. júlí. Austurvöllur var skreyttur hinum nýja íslenska fána og 200 smámeyjar fóru fyrir skrúðgöngu í gegnum miðbæinn. Alþingi fékk skrautritað ávarp og þingmenn hrópaðu húrra fyrir konum. Kvennakór söng á Austurvelli, Bríet Bjarnhéðinsdóttir og Ingibjörg H. Bjarnason héldu ræður. Ingibjörg tilkynnti í ræðu sinni að næsta baráttumál kvenna muni verða stofnun landsspítala.

Heimild[breyta | breyta frumkóða]