Kroníkubók
Kroníkubók (hebreska: דִּבְרֵי־הַיָּמִים Dīvrē-hayYāmīm „orð daganna“) er ein af bókum Hebresku Biblíunnar. Í kristna Gamla testamentinu skiptist hún í fyrri og síðari Kroníkubók. Í Hebresku Biblíunni er Kroníkubók síðasti kafli þriðja hluta Tanakh sem nefnist Ketuvim („ritin“). Kroníkubók inniheldur ættartré sem hefst á Adam, og sögu hinna fornu ríkja Júda og Ísraels fram að skipun Kýrusar árið 539 f.Kr.
Í Hebresku Biblíunni kemur Kroníkubók á eftir Esra-Nehemíabók og hvort tveggja er ein bók. Í Gamla testamentinu er Kroníkubók á eftir Konungabók og á undan Esrabók, og skiptist að auki í tvennt. Bókin var þýdd á grísku á 3. öld f.Kr. og varð hluti af Sjötíumannaþýðingunni. Bókin er stundum kölluð Paralipomenon („það sem var sleppt“) eftir gríska titlinum. Hann vísar til þeirrar hugmyndar að Kroníkubók sé eins konar viðauki við fyrri bækur Biblíunnar, en í reynd er Kroníkubók nánast afritun úr hinum ritunum.[1] Sumir telja að Kroníkubók sé sjálfstætt rit sem byggist á sömu heimildum og hinar bækurnar.[2]
Tilvísanir
[breyta | breyta frumkóða]- ↑ Beentjes, Pancratius C. (2008). Tradition and Transformation in the Book of Chronicles. Brill. ISBN 9789004170445.
- ↑ Coggins, Richard J. (2003). „1 and 2 Chronicles“. Í Dunn, James D. G.; Rogerson, John William (ritstjórar). Eerdmans Commentary on the Bible. Eerdmans. ISBN 9780802837110.
