Árneshreppur

Úr Wikipediu, frjálsa alfræðiritinu
Árneshreppur
Skjaldarmerki Árneshrepps
Staðsetning Árneshrepps
Staðsetning Árneshrepps
Hnit: 65°58′48″N 21°27′11″V / 65.980°N 21.453°V / 65.980; -21.453
LandÍsland
KjördæmiNorðvesturkjördæmi
ÞéttbýliskjarnarEngir
Stjórnarfar
 • OddvitiEva Sigurbjörnsdóttir
Flatarmál
 • Samtals705 km2
 • Sæti31. sæti
Mannfjöldi
 (2023)
 • Samtals47
 • Sæti64. sæti
 • Þéttleiki0,07/km2
Póstnúmer
524
Sveitarfélagsnúmer4901
Vefsíðaarneshreppur.is

Árneshreppur er nyrsta sveitarfélagið í Strandasýslu og afskaplega landmikið. Í suðri nær hreppurinn frá Spena undir Skreflufjalli á milli eyðibýlanna Kaldbaks og Kolbeinsvíkur og að norðanverðu að Geirólfsgnúp fyrir norðan Skjaldabjarnarvík.

Árneshreppur er stundum nefndur Víkursveit eftir búsældarlegasta hluta sveitarfélagsins, Trékyllisvík, og er það fornt nafn á hreppnum. Trékyllisvík var vettvangur hörmulegra atburða á tímum galdraofsókna á 17. öld, en þar voru þrír galdramenn brenndir árið 1654 í klettagjá sem kallast Kistan.

Á svæðinu urðu til vísar að þéttbýli á 20. öld í Kúvíkum, Gjögri, Ingólfsfirði og Djúpavík, einkum í tengslum við hákarlaveiðar og síldveiðar, og eru þar miklar menjar um atvinnulíf og mannlíf.

Verslunarstaður er í Norðurfirði.

Árneshreppur er fámennasta sveitarfélag Íslands með 43 íbúa 1. janúar 2020. Í sveitarfélaginu býr að meðaltali 0.06 manns á km².

Jarðir í Árneshreppi árið 1858:

  • Kolbeinsvík
  • Byrgisvík
  • Veiðileysa
  • Kambur
  • Kjós
  • Reykjarfjörður
  • Naustvíkur
  • Kjörsvogur
  • Gjögur
  • Reykjanes
  • Litla Ávík
  • Stóra Ávík
  • Finnbogastaðir
  • Bær
  • Árnes
  • Melar
  • Norðurfjörður
  • Krossnes
  • Fell
  • Munaðarnes
  • Eyri
  • Ingólfsfjörður
  • Seljanes
  • Ófeigsfjörður
  • Drángavík
  • Drángar
  • Skjaldabjarnarvík
  • Halldórstaðir, eyðijörð
  • Reykjarfjarðarverzlunarstaðarlóð

Tilvísanir[breyta | breyta frumkóða]

Heimild[breyta | breyta frumkóða]

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.