Noel Gallagher

Úr Wikipediu, frjálsa alfræðiritinu
Noel Gallagher
Gallagher árið 2022
Fæddur
Noel Thomas David Gallagher

29. maí 1967 (1967-05-29) (56 ára)
Ríkisfang
  • Bretland
  • Írland
Störf
  • Tónlistarmaður
  • söngvari
  • lagahöfundur
Ár virkur1991–í dag
Maki
  • Meg Mathews
    (g. 1997; sk. 2001)
  • Sara MacDonald
    (g. 2011)
Börn3
ÆttingjarLiam Gallagher (bróðir)
Tónlistarferill
Stefnur
Hljóðfæri
  • Gítar
  • rödd
  • hljómborð
Útgefandi
  • Creation
  • Big Brother
  • Epic
  • Sour Mash
Áður meðlimur íOasis
Vefsíðanoelgallagher.com

Noel Thomas David Gallagher (f. 29. maí 1967) er enskur tónlistarmaður. Hann var gítarleikari og helsti lagasmiður bresku rokkhljómsveitarinnar Oasis.

Noel, sem hafði verið rótari hjá The Inspiral Carpets, gekk til liðs við Oasis árið 1991, en fyrir í bandinu var litli bróðir hans Liam Gallagher. Noel tók stjórnina og krafðist þess að semja lög sveitarinnar. Stormasamt samband þeirra bræðra varð oft til þess að Noel íhugaði alvarlega að hætta í bandinu. Á tónleikaferð um Bandaríkin árið 1994 lét Noel sig hverfa sporlaust er hann ætlaði að yfirgefa bandið eftir rifrildi við Liam. Þar hitti hann stúlku sem taldi hann af þeim áformum og til varð lagið „Talk Tonight“ sem er að finna á B-hliðarsafnplötunni The Masterplan.

Árið 1996 flaug hann heim úr tónleikaferðalagi Oasis um Bandaríkin og ætlaði að hætta í hljómsveitinni. Honum snérist þó hugur og ákvað að halda áfram. Í Barcelona árið 2000 ætlaði Noel enn og aftur að hætta eftir rifrildi við Liam og sagðist vera hættur að spila með Oasis utan Bretlands. Oasis kláraði tónleikaferðalagið um Evrópu án Noel og hann spilaði síðan með þeim á þeim tónleikum sem voru á Bretlandseyjum. Bræðurnir enduðu á að sættast og Noel ákvað að láta af þessum áformum sínum.

Gallagher er afkastamikill lagasmiður og samdi hann flest lög Oasis. Lagið sem hann er stoltastur af er „Live Forever“ sem er að finna á breiðskífunni Definitely Maybe. Helstu áhrifavaldar hans í tónlistinni eru Bítlarnir, Rolling Stones, The Stone Roses, The Smiths og The Jam.

Gallagher giftist Meg Matthews árið 1997, þau skildu árið 2000 skömmu eftir að dóttir þeirra, Anais, fæddist. Hann er nú í sambandi með Sara MacDonald.

Noel hætti í Oasis eftir rifrildi við Liam sumarið 2009, fyrir tónleika í París. Í kjölfarið stofnaði Liam hljómsveitina Beady eye og Noel hóf sólóferil með nafnið Noel Gallaghers Highflying Birds.

Útgefið efni[breyta | breyta frumkóða]

Noel Gallaghers High Flying Birds[breyta | breyta frumkóða]

  • Noel Gallagher's High Flying Birds (2011)
  • Chasing Yesterday (2015)
  • Who Built the Moon? (2017)
  • Blue Moon Rising (2020) (EP plata)
  • Council Skies (2023)

Tenglar[breyta | breyta frumkóða]