Martröð

Martröð er vondur draumur. Orðið er samsett úr „mara“ (sem er dregið af meri) og „tröð“. Mara af þessu tagi var í eina tíð talin vera óvættur sem átti að leggjast á menn og sliga þá í svefni. Vera má að martröð hafi verið skyld gandreið í hugum fólks.

Í dag hafa menn uppgötvað það sem nefnist drómasýki, nánar tiltekið svefnrofalömun, sem skýrir þá tilfinningu að stór skepna sitji eða liggi ofan á manni. Martröð er talin orsakast af álagi, streitu, ótta og hræðslu.