Díogenes hundingi

Vestræn heimspeki Fornaldarheimspeki
Nafn:	Díogenes
Fæddur:	um 412 f.Kr. eða 404 f.Kr.
Látinn:	323 f.Kr.
Skóli/hefð:	Hundingjar
Helstu viðfangsefni:	siðfræði
Markverðar hugmyndir:	meinlætalíf
Áhrifavaldar:	Antisþenes
Hafði áhrif á:	Krates frá Þebu, aðrir hundingjar, stóuspeki

Díogenes eða Díógenes (á forngrísku Διογένης ὁ Σινωπεύς, Diogenes ho Sinopeus; um 412 f.Kr. eða 404 f.Kr. – 323 f.Kr.) var forngrískur heimspekingur af skóla hundingja frá borginni í Sínópu (í dag Sinop í Tyrklandi).

Díogenes fluttist ungur til Aþenu þar sem hann gerðist samkvæmt sumum heimildum nemandi Antisþenesar.

Díogenes kenndi að maður skyldi lifa lífinu í samræmi við náttúruna og af þeim sökum ætti maður að virða að vettugi samfélagslegar reglur en stunda strangt meinlætalíf.

Sumar heimildir greina frá því að Díogenes hafi látið eftir sig ýmir ritverk, þar á meðal bókmenntaverk en ekkert er varðveitt af þeim.

Heimildir og ítarefni

• Branham , R. Bracht og Marie-Odile Goulet-Cazé, The Cynics: The Cynic Movement in Antquity and Its Legacy (University of California Press, 1996).
• Desmond, William, Cynics (University of California Press, 2008).
• Geir Þ. Þórarinsson. „Hversu mikið er vitað um heimspekinginn Díógenes í tunnunni?“. Vísindavefurinn 3.8.2006. http://visindavefur.is/?id=6105. (Skoðað 29.7.2009).
• Gill, Mary Louise og Pierre Pellegrin (ritstj.), A Companion to Ancient Philosophy (Blackwell, 2005).

Tenglar

• „Hversu mikið er vitað um heimspekinginn Díógenes í tunnunni?“. Vísindavefurinn.
• The Internet Encyclopedia of Philosophy: „Diogenes of Sinope“