„Borgarfjörður eystri“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
Navaro (spjall | framlög)
Ekkert breytingarágrip
Navaro (spjall | framlög)
m Flokkur.
Lína 16: Lína 16:


[[Flokkur:Austurland]]
[[Flokkur:Austurland]]
[[Flokkur:Borgarfjörður eystra]]
[[Flokkur:Firðir á Íslandi]]
[[Flokkur:Firðir á Íslandi]]
[[Flokkur:Íslensk sjávarþorp]]
[[Flokkur:Íslensk sjávarþorp]]

Útgáfa síðunnar 7. október 2010 kl. 12:54

Séð niður í Borgarfjörð eystra.
Sjá einnig greinina „Borgarfjörð“.

Borgarfjörður eystri eða Borgarfjörður eystra[1] er fjörður og byggðalag á norðanverðum Austfjörðum. Þar er þorpið Bakkagerði, sem oftast er kallað Borgarfjörður eystri í daglegu tali, með um 100 íbúa. Borgarfjörður er í Borgarfjarðarhreppi, sem einnig nær yfir nálægar víkur og eyðifjörðinn Loðmundarfjörð.

Inn af firðinum er vel gróinn dalur sem nær um 10 kílómetra inn í Austfjarðafjallgarðinn. Eftir honum rennur Fjarðará. Nokkrir bæir eru í byggð í sveitinni og er þar aðallega stundaður sauðfjárbúskapur. Á Bakkagerði er nokkur smábátaútgerð.

Á Borgarfirði eystra er falleg fjallasjón. Helstu fjöllin eru Dyrfjöll, Staðarfjall, Geitfell og Svartfell. Fjöllin eru úr ljósu líparíti sunnan fjarðar en Borgarfjörður er á mótum líparít- og blágrýtissvæðis og fyrir botni fjarðarins og þó einkum norðan hans er blágrýti mest áberandi. Í firðinum þar má finna mikið af fallegum steinum. Steinasöfnun er þó bönnuð almenningi.

Á meðal þekktra einstaklinga sem tengjast Borgarfirði eystra má nefna Jóhannes Kjarval, listmálara, sem ólst upp í Geitavík. Til minningar um hann er Kjarvalsstofa í félagsheimilinu Fjarðarborg. Hann málaði altaristöflu sem er í Bakkagerðiskirkju.

Magni Ásgeirsson, tónlistarmaður, sem tók þátt í raunveruleikaþættinum Rockstar: Supernova árið 2006, er frá Borgarfirði eystra. Emilíana Torrini tónlistarkona er líka ættuð þaðan.

Tilvísanir

  1. http://visindavefur.hi.is/svar.php?id=6086 Hvort er réttara að segja Borgarfjörður eystri eða Borgarfjörður eystra? Vísindavefurinn, skoðað 7. október 2010.
  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.