Eystrasalt

Kort sem sýnir Eystrasalt (merkt á ensku, Baltic Sea) og nágrenni

Gervihnattamynd af Eystrasalti

Eystrasalt (eða forníslenska heiti hið eystra salt) er haf í Norður-Evrópu sem markast af Skandinavíuskaganum og dönsku eyjunum í vestri, vesturströnd Norður-Evrópu í austri og norðurströnd Mið-Evrópu í suðri. Hafið tengist við Norðursjó um Skagerrak og Kattegat, sem það tengist um Eyrarsund, Litla-Belti og Stóra-Belti við Danmörku. Hafið tengist auk þess Hvítahafi með Hvítahafsskurðinum og beint út í Norðursjó um Kílarskurðinn.

Úr norðanverðu Eystrasalti teygjast tveir langir flóar; Helsingjabotn og Kirjálabotn. Milli Eistlands og Lettlands er svo Rígaflói.

Eystrasalt er 415 þúsund ferkílómetrar að stærð og er mjög grunnt (57 metra djúpt að meðaltali og 459 metrar þar sem það er dýpst). Vegna mikils árflaums er saltmagnið í hafinu mjög lágt, sem veldur því að það leggur oft á vetrum.

Lönd við Eystrasalt

Löndin sem eiga aðgang að Eystasalti eiga með sér samstarf í Eystrasaltsráðinu, en auk þeirra eru Ísland, Noregur og Evrópusambandið aðilar að ráðinu.

• Danmörk
• Svíþjóð
• Finnland
• Rússland
• Eistland
• Lettland
• Litháen
• Pólland
• Þýskaland

Eyjar og eyjaklasar í Eystrasalti

Helstu eyjar og eyjaklasar í Eystrasalti eru:

• Álandseyjar (sjálfstjórnarsvæði í Finnlandi)
• Borgundarhólmur (Danmörk)
• Eyland (Svíþjóð)
• Gotland (Svíþjóð)
• Hailuoto (Finnland)
• Hiiumaa (Eistland)
• Rügen (Þýskaland)
• Saaremaa (Eistland)
• Sænski skerjagarðurinn (Svíþjóð)
• Usedom (Þýskaland og Pólland)
• Valassaaret (Finnland)
• Wolin (Pólland)