Malt

Spírað bygg

Malt eða melt bygg er bygg sem hefur verið látið spíra að hluta í raka, en spírunin er stöðvuð með hita áður en hún er að fullu gengin um garð. Við spírun myndar byggið meltingarhvatann amýlasa sem brýtur sterkju byggsins niður í smærri sykrur við ákveðið hitastig þannig að tvísykran maltósi verður til. Malt er grunnþáttur við bruggun öls eins og t.d. bjórs, maltöls og viskímeskis, en er einnig notað við brauðgerð („maltbrauð“) og fleira.

Hitastig, tími og loftstreymi við stöðvun spírunar ræður miklu um eiginleika maltsins og eru mölt flokkuð eftir því hve mikið eða lítið þau eru „ristuð“. Mikið ristað malt gefur dökkan lit og ákveðið brenndubragð sem þykir æskilegt í suma bjóra og viskí.

  Þessi matar eða drykkjargrein er stubbur. Þú getur hjálpað til með því að bæta við greinina.