1666

Ár

1663 1664 1665 – 1666 – 1667 1668 1669

Áratugir

1651-1660 – 1661-1670 – 1671-1680

Aldir

16. öldin – 17. öldin – 18. öldin

Árið 1666 (MDCLXVI í rómverskum tölum) var 66. ár 17. aldar sem hófst á föstudegi samkvæmt gregoríska tímatalinu en mánudegi samkvæmt júlíska tímatalinu sem er tíu dögum á eftir. Árið var kallað Annus Mirabilis í Englandi. Þetta var líka árið sem hefur alla rómversku tölustafina í ártalinu í röð þannig að hver kemur fyrir einu sinni.

Atburðir

Samtímamálverk af Lundúnabrunanum mikla.

• 11.-14. júní - Annað stríð Englands og Hollands: Fjögurra daga orrustan þar sem Hollendingar fóru með sigur af hólmi.
• 5. ágúst - Annað stríð Englands og Hollands: Orrustan við Ordforness þar sem England fór með sigur af hólmi.
• 9. ágúst - Varðeldur Holmes: Robert Holmes leiddi árás á hollensku eyjuna Terschelling þar sem hann brenndi 150 kaupför og rændi bæinn.
• 2.-5. september - Lundúnabruninn mikli.

Ódagsettir atburðir

• Passíusálmar Hallgríms Péturssonar voru gefnir út á Hólum.
• Isaac Newton lét hvítan ljósgeisla brotna í marga litaða geisla með glerstrendingi og jók þannig skilning manna á eðli ljóss og lita.
• Háskólinn í Lundi var stofnaður í Svíþjóð.

Fædd

• 21. mars - Jón Vídalín biskup í Skálholti (d. 1720).
• 6. september - Ívan 5. Rússakeisari (d. 1696).

Dáin

• 26. ágúst - Frans Hals, hollenskur listmálari (f. um 1580).
• 23. september - Hannibal Sehested, fyrrum ríkisstjóri Noregs (f. 1609).
• 25. september - Abbas 2. Persakonungur (f. 1633).
• 9. desember - Giovanni Francesco Barbieri, kallaður Guercino, ítalskur listmálari (f. 1591).
• 31. janúar - Shah Jahan, Mógúlkeisari (f. 1592).

Ódagsett

• Pétur Einarsson frá Ballará, lögréttumaður og skáld (f. 1597).