Péturskirkjan

Péturskirkjan séð frá Englaborginni. Hvolfþakið var hannað af Michelangelo.

Péturskirkjan (eða Basilíka heilags Péturs; latína: Basilica Sancti Petri; ítalska: Basilica di San Pietro in Vaticano) er dómkirkja páfans í Vatíkaninu í Róm. Hún var reist á rústum eldri kirkju sem hafði verið byggð á staðnum þar sem talið var að gröf heilags Péturs væri. Sú kirkja var byggð af Konstantínusi mikla milli 326 og 333. Undir lok 15. aldar lá fyrir að kirkjan var mikið skemmd og upp kom sú hugmynd að reisa alveg nýja kirkju. Bygging núverandi kirkju hófst í tíð Júlíusar 2. 1506 og lauk í tíð Úrbanusar 8. 1626.

Kirkjan skipar sérstakan sess hjá kaþólskum, bæði sem dómkirkja páfans, og þar með höfuðkirkja alls kristindóms, og eins sem grafarkirkja heilags Péturs og nánast allra páfa eftir hans dag. Kirkjan er mikilvægur áfangastaður pílagríma.

  Þessi grein er stubbur. Þú getur hjálpað til með því að bæta við greinina.