„Borðeyri“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
FoxBot (spjall | framlög)
m robot Bæti við: nl:Bordeyri
SieBot (spjall | framlög)
m robot Breyti: nl:Borðeyri
Lína 15: Lína 15:
[[Flokkur:Þéttbýlisstaðir Íslands]]
[[Flokkur:Þéttbýlisstaðir Íslands]]


[[nl:Bordeyri]]
[[nl:Borðeyri]]

Útgáfa síðunnar 19. nóvember 2009 kl. 12:41

Borðeyri séð að austanverðu
Borðeyri 1883

Borðeyri stendur við Hrútafjörð á Ströndum og er eitt fámennasta þorp landsins með 25 íbúa 1. desember 2007. Fyrr á öldum var Borðeyri í tölu meiriháttar siglinga- og kauphafna. Nafn eyrarinnar er dregið af því að þegar Ingimundur gamli fór í landaleit, sumarið eftir að hann kom til Íslands, fann hann þar nýrekið viðarborð og nefndi eyrina Borðeyri eftir því. Frá þeim atburðum segir í Vatnsdælasögu:

Hann fór norður um sumarið í landaleitun og fór upp Norðurárdal og kom ofan í eyðifjörð einn. Og um daginn er þeir fóru með þeim firði þá hlupu úr fjalli að þeim tveir sauðir. Það voru hrútar. Þá mælti Ingimundur: „Það mun vel fallið að þessi fjörður heiti Hrútafjörður.“ Síðan komu þeir í fjörðinn og gerði þá þoku mikla. Þeir komu á eyri eina. Fundu þeir þar borð stórt nýrekið. Þá mælti Ingimundur: „Það mun ætlað að vér skulum hér örnefni gefa og mun það haldast og köllum eyrina Borðeyri“.
 
— Vatnsdæla saga

Borðeyri varð löggiltur verslunarstaður 23. desember 1846. Með fyrstu kaupmönnum sem ráku verslun þar var Richard P. Riis sem reisti þar verslunarhús. 7. maí 1934 kom þar upp Borðeyrardeilan sem snerist um samningsrétt félaga í verkalýðsfélagi í Hrútafirði.

Á Borðeyri var lengi starfrækt Kaupfélag Hrútfirðinga en síðar var þar útibú frá Kaupfélaginu á Hvammstanga. Seinast var þar verslunin Lækjargarður sem ekki er starfrækt lengur. Í dag er þar útibú frá Sparisjóði Húnaþings og Stranda, leik- og grunnskóli, bifreiðaverkstæði[1], gistiheimili[2] og tjaldsvæði. Verið er að vinna að endurbótum á elsta húsi staðarins, Riis-húsi, en það eitt elsta hús við Húnaflóa.

Á Borðeyri fæddust Sigurður Eggerz forsætisráðherra og Þorvaldur Skúlason listmálari.

  Þessi Íslandsgrein sem tengist landafræði er stubbur. Þú getur hjálpað til með því að bæta við greinina.