The Big Bang Theory

The Big Bang Theory
Tegund	Gaman
Búið til af	Chuck Lorre Bill Prady
Leikstjóri	James Burrows (1. þátturinn) Mark Cendrowski
Kynnir	CBS
Leikarar	Johnny Galecki Jim Parsons Kaley Cuoco Simon Helberg Kunal Nayyar Sara Gilbert
Upphafsstef	„The History of Everything“ - Barenaked Ladies
Upprunaland	Bandaríkin
Frummál	Enska
Fjöldi þáttaraða	3
Fjöldi þátta	40
Framleiðsla
Aðalframleiðandi	Chuck Lorre Bill Prady Lee Aronsohn
Framleiðandi	Steve Molaro Mike Collier Faye Oshima Belyeu
Klipping	Peter Chakos
Myndataka	Multi-camera
Lengd þáttar	21 mín.
Útsending
Upprunaleg sjónvarpsstöð	CBS
Myndframsetning	480i (SDTV) 1080i (HDTV)
Sýnt	24. september 2007 – –

The Big Bang Theory er bandarískur gamanþáttur sem er búinn til og framleiddur af Chuck Lorre og Bill Prady, sem fór í loftið 24. september 2007.

Þátturinn gerist í Pasadena í Kaliforníu og snýst um líf tveggja karlmanna á þrítugsaldri sem eru eðlisfræðingar. Annar þeirra (Leonard) er tilrauna-eðlisfræðingur en hinn (Sheldon) er kennilegur eðlisfræðingur og búa þeir á móti fallegri ljóshærðri þjónustustúlku sem er að reyna að komast áfram í skemmtanaiðnaðinum (Penny).

Nördaskapur og gáfur Leonards og Sheldons eru þvert á móti því sem Penny á að venjast í mannlegri hegðun og almennri skynsemi og skapar það gamansamleg áhrif. Tveir álíka nördalegir vinir þeirra, Howard og Rajesh, eru líka aðalpersónur. Þátturinn er framleiddur í samstarfi Warner Bros. Televisoin og Chuck Lorre Productions. Í mars 2009 var tilkynnt um að þátturinn hefði verið endurnýjaður fyrir þáttaraðir þrjú og fjögur. Í ágúst 2009 vann þátturinn TCA verðlaun fyrir bestu gamanþáttaröðina og Jim Parsons vann verðlaun fyrir frammistöðu sína í gamanþáttaröð.

Aðalpersónur

Aðalgrein: Persónur í The Big Bang Theory

• Johnny Galecki er Doktor Leonard Hofstadter - Leonard er tilrauna-eðlisfræðingur og er með greindarvísitöluna 173 og fékk doktorsgráðuna sína þegar hann var 24 ára. Hann deilir íbúð með vinnufélaga sínum og vini, Sheldon Cooper. Hann er eðlilegasti karlmaðurinn í þáttunum. Handritshöfundarnir hafa leikið sér með rómantík á milli hans og nágrannans, Penny, og er óleyst kynferðisleg spenna á milli þeirra.

• Jim Parsons er Doktor Sheldon Cooper - Upphaflega frá Austur-Texas og var mjög gáfaður sem barn og byrjaði í háskóla 11 ára, rétt eftir að hafa klárað 5. bekk. Sem kenninga-eðlisfræðingur er hann með meistaragráðu, tvær doktorsgráður og greindarvísitöluna 187. Hann sýnir sterka hneigð til þess að halda öllu í sömu skorðum og það eru ákveðnir mannlegir hlutir sem hann skilur ekki; hann skilur alls ekki kaldhæðni og húmor; skilur ekki hógværð og lítillæti. Þessi atriði eru aðalatriðin sem gera persónuna fyndna og stundum þungamiðja þáttarins. Sheldon deilir íbúð með kollega sínum og vini, Leonard Hofstadter. Samkvæmt tvíburasystur Sheldons, sendi hann ímynduðu vini sína heim í lok dagsins, þegar þau voru lítil. Sheldon segir þá á móti; þeir voru ekki vinir, þeir voru ímyndaðir kollegar.

• Kaley Cuoco er Penny - Hún er vinkona Sheldons og Leonards sem býr í íbúðinni á móti þeim. Hún er þjónustustúlka á veitingastaðnum Cheescake Factory og er líka að reyna að komast áfram sem leikkona. Hún er eina aðalpersónan sem hefur ekki látið ættarnafn sitt koma fram. Hún er fædd og uppalin á búgarði í Omaha í Nebraska og skilur oft lítið í nördalegu vinum sínum sem búa hinumegin við ganginn. Hún skilur ekkert í Sheldon og eru persónurnar tvær oft látnar tala saman bara til þess að gera þættina fyndnari.