Hringur (rúmfræði)

Skýringarmynd sem sýnir miðju, þvermál og geisla hrings.

Hringur er rúmfræðilegt hugtak, sem á við tvívíðan, stærðfræðilegan feril, sem er þannig að allir punktar hans eru í sömu fjarlægð frá tilteknum punkti, sem kallast miðpunktur hringsins. Í sumum tilvikum er orðið hringur látið tákna ferilinn og allt svæðið innan hans en betra heiti á því er hringskífa.

Jafna hrings með miðju í punktinum (h,k) í kartesísku hnitakerfi er

$(x-h)^{2}+(y-k)^{2}=r^{2}$

þar sem r táknar geisla hringsins. Jöfnuna má umrita á ýmsa vegu, til dæmis á forminu

$x^{2}-2(xh+yk)+y^{2}+h^{2}+k^{2}-r^{2}=0$.

Flatarmál hrings er stærð þess svæðis sem afmarkast innan hringferilsins. Jafna þess er

$F=\pi \cdot r^{2}$

þar sem r er geislinn.

Ummál hrings er lengd sjálfs ferilsins. Jafnan er

$U=2\cdot \pi \cdot r$.

Tenglar

• Geómetría Dana á víkingaöld; grein í Morgunblaðinu 1982

  Þessi stærðfræðigrein er stubbur. Þú getur hjálpað til með því að bæta við greinina.