„Brynjólfur Sveinsson“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
mEkkert breytingarágrip
Jackie (spjall | framlög)
m interwiki: ru
Lína 34: Lína 34:
[[no:Brynjólfur Sveinsson]]
[[no:Brynjólfur Sveinsson]]
[[pt:Brynjólfur Sveinsson]]
[[pt:Brynjólfur Sveinsson]]
[[ru:Свейнссон, Бриньольфур]]
[[sv:Brynjólfur Sveinsson]]
[[sv:Brynjólfur Sveinsson]]

Útgáfa síðunnar 17. júlí 2009 kl. 11:27

Sr. Brynjólfur Sveinsson
Mynd:1000-krónur.jpg
1000 krónur

Séra Brynjólfur Sveinsson (1605–1675) var Skálholtsbiskup frá 15. mars 1639 til 1674 og var ásamt öðrum íslenskum fyrirmennum á Kópavogsfundinum árið 1662. Teikning af honum er á 1000 króna seðli Íslands.

Brynjólfur fæddist í Holti í Önundarfirði þótti afburðanámsmaður og var orðlagður grískumaður. Hann lærði við Kaupmannahafnarháskóla 1624-1629. Síðar var hann konrektor í Hróarskelduháskóla 1632-1638.

Brynjólfur var áhugasamur um náttúruvísindi og hugvísindi, safnaði fornritum og var áhugamaður um útgáfu þeirra. Hann reyndi að fá leyfi fyrir prentsmiðju í Skálholti, en það strandaði á mótspyrnu Þorláks biskups á Hólum.

Brynjólfur og kona hans, Margrét Halldórsdóttir, eignuðust sjö börn en einungis tvö þeirra komust á legg. Halldór sonur þeirra dó hálfþrítugur í Yarmouth á Englandi 1666. Ragnheiður Brynjólfsdóttir dóttir þeirra eignaðist barn í meinum og lést ári eftir barnsburðinn einungis 22 ára gömul. Brynjólfur tók son hennar að sér og arfleiddi að öllum eigum sínum. Pilturinn lést aðeins 11 ára gamall og svo fór að Brynjólfur átti enga afkomendur.

Verk

Brynjólfur var latínuskáld og þýddi meðal annars Nýja testamentið beint úr grísku en fékk ekki prentað. Af ritverkum Brynjólfs eru þekktar ritgerðirnar Um meðgöngutíma kvenna og Um eiða og undanfærslu í legorðsmálum, Æviminning Vigfúsar Hákonarsonar í Bræðratungu, Ritgerð um nafnið Svíþjóð, Historica relatio de rebus Islandiæ. Einnig er honum ætluð Lækningabók.



Fyrirrennari:
Gísli Oddsson
Skálholtsbiskup
(1639 – 1674)
Eftirmaður:
Þórður Þorláksson