Garður (bær)

Sveitarfélagið Garður
Sveitarfélag
Skjaldarmerki
Staðsetning
Land	Ísland
Kjördæmi	Suðurkjördæmi
Þéttbýliskjarnar	Garður
Stjórnarfar
• Bæjarstjóri	Ásmundur Friðriksson
Póstnúmer	250
Sveitarfélagsnúmer	2504
Vefsíða	http://www.sv-gardur.is

Sveitarfélagið Garður (áður Gerðahreppur) er sveitarfélag á nyrsta odda Reykjanesskagans, á innanverðu Miðnesi. Á það land að Sandgerði og Reykjanesbæ.

Gerðahreppur var stofnaður 15. júní 1908 við uppskiptingu Rosmhvalaneshrepps. Hinn hlutinn, sem tilheyrði Keflavíkurkauptúni, sameinaðist Njarðvíkurhreppi og varð að Keflavíkurhreppi.

Skjaldarmerki sveitarfélagsins er mynd af vitunum tveimur á Garðskaga. Á Garðskaga var reist fyrsta leiðarmerki fyrir sæfarendur á Íslandi og var það hlaðin grjótvarða á ströndinni. Síðar var sett á hana ljósmerki. Fyrsti eiginlegi vitinn var hins vegar reistur á Reykjanesi.

Gerðaskóli er einn elsti skóli á landinu, stofnaður 1872 af séra Sigurði B. Sívertsen, sem var prestur á Útskálum í rúmlega hálfa öld. Hann átti einnig frumkvæði að byggingu núverandi Útskálakirkju árið 1861 og tók saman Suðurnesjaannál.

Björgunarsveitin Ægir var stofnuð 1935 og Íþróttafélagið Víðir í Garði var stofnað 1936.

Tenglar

• Vefsíða sveitarfélagsins
• Loftmynd á Google Maps