YouTube

Mynd:Youtube.gif

Merki myndbandavefsins YouTube

Vefsíðan YouTube var opnuð til þann 15. febrúar 2005. YouTube var stofnað af þeim Chad Hurley, Steve Chen og Jawed Karim. YouTube notar Adobe Flash-tækni til þess að dreifa myndböndum til áhorfenda. Í nóvember árið 2006 keypti Google YouTube fyrir 1,65 miljarða hlutabréfaeign í Google. Hugmyndin á bakvið YouTube er sú að hver sem er geti komið sínu eigin efni á netið án þess að greiða fyrir það. Á YouTube má finna fjölmargar gerðir myndbanda, til að mynda brot úr sjónvarpsþáttum, tónlistarmyndbönd auk efnis frá hinum almenna notanda s.s. kennslumyndbönd ýmiskonar og myndblogg. Vefurinn gerir hverjum sem er kleift að sækja þessi myndskeið sér að kostnaðarlausu.

Tímaritið Time útnefndi YouTube nýjung ársins 2006.

Höfundarréttur

Þar sem daglega er sendur gífurlegur fjöldi myndbanda á YouTube er ógerlegt fyrir starfsmenn síðunnar (sem samtals eru 67 talsins) að fylgjast með þeim öllum. Mörg dæmi eru um að efni sem á hvílir höfundarréttur sé sent inn á vefinn. Við þessu er reynt að sporna með því að fleygja út því efni sem finnst, en eftir situr gífurlegur fjöldi myndbanda sem óæskilegt er að séu á vefnum. Mörg fyrirtæki og einstaklingar hafa fett fingur út í þetta og sumir hverjir hafa kært YouTube. YouTube dró úr fjölda þessara tilfella með því að gera samning við stór útgáfufyrirtæki um að birta tónlistarmyndbönd þeirra á vefnum sér til kynningarauka.

Tenglar

• Heimasíða YouTube

Heimild

• Snið:Enwikiheimild