Úranus (reikistjarna)

Mynd af Úranusi, tekin af Geimferðastofnun Bandaríkjanna.

Úranus er sjöunda reikistjarnan frá sólinni talið og einn af gasirsum sólkerfisins. Hann er þriðja stærsta reikistjarnan að þvermáli og sú næststærsta að massa. Hann er nefndur eftir Úranosi, gríska himnaguðinum og ættföður annarra guða í grískri goðafræði (hann var meðal annars afi Seifs). Fyrsta skráða skipti sem Úranus var séður var árið 1690 en nafnið fékk reikistjarnan ekki fyrr en um hundrað árum síðar.

Úranus er að mestu leyti samsettur úr bergi og ýmsum gerðum af ís. Hann er ólíkur Júpíter og Satúrnusi að því leyti að vetni í samsetningu hans er einungis um 15% og hann inniheldur lítið af helíum. Úranus og Neptúnus eru að mörgu leyti samsettir eins og kjarnar Júpíters og Satúrnusar, fyrir utan hið umfangsmikla lag úr fljótandi málmkenndu vetni. Svo virðist sem Úranus hafi ekki kjarna úr bergi líkt og Júpíter og Satúrnus heldur hafi efni hans að mestu leyti áþekka eða samfellda dreifingu.

Lofthjúpur Úranusar er samsettur úr 83% vetni, 15% helíum og 2% af metan.

Tungl

• Kordelía
• Ófelía
• Bíanka
• Kressída
• Desdemóna
• Júlía
• Portía
• Rósalind
• Kúpid
• Belinda
• Perdíta
• Puck
• Mab
• Míranda
• Aríel
• Úmbríel
• Títanía
• Óberon
• Fransiskó
• Kalíban
• Stefanó
• Trinkúló
• Sýkórax
• Margrét
• Prosperó
• Setebos
• Ferdínand

Tenglar

• Upplýsingar um Úranus á Stjörnufræðivefnum