Húsavík (Austfjörðum)

Húsavík er önnur stærst nokkurra víkna í svokölluðum Víkum sem er geysivinsælt útivistarsvæði á milli Borgarfjarðar eystri og Loðmundarfjarðar. Í Húsavík er samnefnt býli sem er vel við haldið og gömul sveitakirkja. Innihald gamla kirkjugarðsins í Húsavík hefur komið betur í ljós undanfarna áratugi því kirkjugarðurinn er alveg við sjávarbakkann og sjórinn hefur verið iðinn við að draga fram í dagsljósið forn mannabein og líkkistur. Heldur hefur þó dregið úr því undanfarin ár.