Framsóknarflokkurinn

Merki Framsóknarflokksins

Merki Framsóknarflokksins

Framsóknarflokkurinn er frjálslyndur, miðjusinnaður stjórnmálaflokkur á Íslandi, sem stofnaður var 16. desember 1916 með samruna Bændaflokksins og Óháðra bænda.
Framsóknarflokkurinn hefur í gegnum tíðina notið mests fylgis á meðal bænda og íbúa þéttbýlis í landbúnaðarhéruðum, þó að í seinni tíð hafi hann reynt að ná einnig betur til annarra þéttbýlisbúa.

Framsóknarflokkurinn hefur oft verið næst stærsti stjórnmálaflokkur Íslands en fylgi hans hefur dalað mjög undanfarið en hann fékk um 11% fylgi í Alþingiskosningum 2007 og er nú næst minnsti flokkurinn á Alþingi með aðeins sjö menn.

Framsóknarflokkurinn hefur átt auðvelt með að vinna með öðrum flokkum hvort sem þeir tilheyra vinstri eða hægri væng stjórnmálanna.

Guðni Ágústsson er formaður Framsóknarflokksins. Áður var hann varaformaður frá árinu 2001, en varð formaður við afsögn Jóns Sigurðssonar 23. maí 2007.

Tími Framsóknarmanna

Alþingiskosningar
Kosningar	% atkvæða	þingsæti
1963	28,2	19
1967	28,1	18
1971	25,3	17
1974	24,9	17
1978	16,9	12
1979	24,9	17
1983	18,5	14
1987	18,9	12
1991	18,9	12
1995	23,3	15
1999	18,4	12
2003	17,0	12
2007	11,7	7

Árin 1971 til 1991 voru tími framsóknarmanna í íslenskum stjórnmálum og eru þeir stundum kallaðir Framsóknaráratugirnir. Þeir voru í stjórn öll þessi ár ef undan er skildir nokkrir mánuðir í kringum áramótin 1980 og meira en helmingur tímans kom forsætisráðherrann úr þeirra röðum. Tvisvar mynduðu þeir stjórn með Sjálfstæðisflokknum. Algengast var þó á þessum árum að Framsóknarflokkurinn og Alþýðubandalagið ynnu saman, fjórum sinnum eða samtals í um tíu ár. Þeir höfðu þó aldrei þingmeirihluta og því varð alltaf að vera að minnsta kosti einn flokkur til viðbótar með í för.

Steingrímur Hermannsson

Þekktasti stjónmálamaður 9. áratugarins á Íslandi var Steingrímur Hermannsson, formaður Framsóknarflokksins og forsætisráðherra. Honum skaut upp á stjörnuhimin stjónmálanna í alþingiskosningum 1979 þegar framsóknarmenn bættu við sig miklu fylgi.

Framkvæmdastjórn

• Formaður: Guðni Ágústsson
• Varaformaður: Valgerður Sverrisdóttir
• Ritari: Sæunn Stefánsdóttir,
• Þingflokksformaður: Siv Friðleifsdóttir, alþingismaður
• Formaður SUF: Jakob Hrafnsson
• Formaður LFK: Bryndís Bjarnason

Þingflokkur

• Formaður: Siv Friðleifsdóttir, 10. þm. Suðvesturkjördæmis
• Varaformaður: Höskuldur Þór Þórhallsson, 10. þm. Norðausturkjördæmis
• Birkir J. Jónsson, 6. þm. Norðausturkjördæmis
• Bjarni Harðarson, 8. þm. Suðurkjördæmis
• Guðni Ágústsson, 3. þm. Suðurkjördæmis
• Magnús Stefánsson, 3. þm. Norðvesturkjördæmis
• Valgerður Sverrisdóttir, 2. þm. Norðausturkjördæmis

Sérsambönd

• Samband ungra framsóknarmanna (SUF)
• Landsamband framsóknarkvenna (LFK)

Formenn

• Ólafur Briem, 1916-1920
• Sveinn Ólafsson, 1920-1922
• Þorleifur Jónsson, 1922-1928
• Tryggvi Þórhallsson, 1928-1932
• Ásgeir Ásgeirsson, 1932-1933
• Sigurður Kristinsson, 1933-1934
• Jónas Jónsson (frá Hriflu), 1934-1944
• Hermann Jónasson, 1944-1962
• Eysteinn Jónsson, 1962-1968
• Ólafur Jóhannesson 1968-1979
• Steingrímur Hermannsson, 1979-1994
• Halldór Ásgrímsson, 1994-2006
• Jón Sigurðsson 2006-2007
• Guðni Ágústsson 2007-

Tengill

• Framsóknarflokkurinn