Jón Sigurðsson (f. 1946)

Þessi grein fjallar um ráðherra. Til að sjá aðrar greinar um fólk sem heitir sama nafni má skoða aðgreiningarsíðuna.

Jón Sigurðsson (fæddur í Kollafirði á Kjalarnesi, 23. ágúst 1946) var formaður Framsóknarflokks og iðnaðarráðherra í ríkisstjórn Íslands utan þings. Hann var kjörinn formaður flokksins í kjölfar afsagnar Halldórs Ásgrímssonar sumarið 2006, en sagði svo sjálfur af sér 23. maí 2007 í kjölfar slæmrar útkomu flokksins í Alþingiskosningunum 12. maí 2007 þar sem hann náði ekki kjöri.

Ævi

Jón útskrifaðist sem stúdent frá Verslunarskóla Íslands og sem sagnfræðingur og íslenskufræðingur með BA frá Háskóla Íslands 1969. MA (1988) og PhD (1990) í menntunarfræði frá CPU-háskólanum (Columbia Pacific University) í Kaliforníu í Bandaríkjunum, og MBA í rekstrarhagfræði (1993) frá National University í San Diego í Kaliforníu.

Jón hefur unnið ýmis störf, m.a. kennt við menntaskóla og háskóla, var rektor Samvinnuskólans á Bifröst, hefur setið í stjórnum fyrirtækja, fjölmörgum nefndum og skrifað bækur. Hann sat sem bankastjóri í Seðlabanka Íslands 2003-2006.

Fyrirrennari: Valgerður Sverrisdóttir	Iðnaðar- og viðskiptaráðherra (15. júní 2006 – 24. maí 2007)	Eftirmaður: Össur Skarphéðinsson iðnaðarráðerra og Björgvin G. Sigurðsson viðskiptaráðherra
Fyrirrennari: Halldór Ásgrímsson	Formaður Framsóknarflokksins (19. ágúst 2006 – 23. maí 2007)	Eftirmaður: Guðni Ágústsson

Tenglar

• Ferill á heimasíðu Iðnaðar- og viðskiptaráðuneytis
• Hver er Jón Sigurðsson, grein á vefsíðu Sambands ungra Sjálfstæðismanna
• Grein um hinn umdeilda CPU-háskóla af ensku Wikipediu