„Bartólómeusarvígin“: Munur á milli breytinga

Úr Wikipediu, frjálsa alfræðiritinu
Efni eytt Efni bætt við
SieBot (spjall | framlög)
m robot Bæti við: bs:Bartolomejska noć
Sauðkindin (spjall | framlög)
Lína 42: Lína 42:
[[sv:Bartolomeinatten]]
[[sv:Bartolomeinatten]]
[[uk:Варфоломіївська ніч]]
[[uk:Варфоломіївська ніч]]
[[vi:Thảm sát Ngày lễ Thánh Bartholomew]]
[[vi:Thảm sát Ngày lễ Thánh Barthélemy]]
[[zh:圣巴托洛缪大屠杀]]
[[zh:圣巴托洛缪大屠杀]]

Útgáfa síðunnar 21. janúar 2008 kl. 20:55

Bartólómeusarvígin á málverki eftir François Dubois (1790 - 1871).

Bartólómeusarvígin voru fjöldamorð á húgenottum (frönskum mótmælendum) í París á degi heilags Bartólómeusar 24. ágúst 1572. Talið er að 2-3000 manns hafi verið drepin í París og allt að tíu þúsund í sveitunum í kring eftir atvikið. Atvikið varð til þess að efla mótmælendur í Frakklandi í andstöðu þeirra við kaþólska sambandið, en morðin tengdust frönsku trúarbragðastríðunum á síðari hluta 16. aldar.

Vígin áttu sér stað í kjölfar brúðkaups Hinriks af Navarra, sem var kalvínisti, og Margrétar Valois, systur konungs og dóttur Katrínar af Medici sem átti að vera tilraun til að sætta hinar andstæðu fylkingar. Katrín virðist hafa ætlað sér að nota tækifærið og losa sig við nokkra af erfiðustu leiðtogum mótmælenda og skipulagði morð á einum helsta herforingja þeirra, Gaspard de Coligny, sem kaþólikkar álitu ábyrgan fyrir dauða leiðtoga þeirra sjálfra, François hertoga af Guise 1563.

Tilraun til að myrða Coligny 22. ágúst mistókst og þá lagði Katrín að syni sínum, Karli IX, að fyrirskipa morð á öllum leiðtogum mótmælenda til að koma í veg fyrir að þeir næðu að skipuleggja gagnárás. Snemma morguns þann 24. voru síðan Coligny, og aðrir leiðtogar mótmælenda myrtir á gistihúsi. Á eftir fylgdu skipuleg morð á mótmælendum í París, framin bæði af hermönnum og af múgnum, sem stóðu til 17. september. Borgarhliðunum var lokað til að fólk slyppi ekki út, og vopnaðir hópar fóru hús úr húsi í hverfum mótmælenda og myrtu alla sem þeir komu höndum yfir. Óeirðirnar breiddust síðan út um sveitirnar umhverfis París.

Eftir þetta voru húgenottar sviptir öllum réttindum í Frakklandi.