Styx

Styx, eftir Gustave Doré, 1861

Styx eða Styxfljót eða „hið óttalega eiðsvatn“: er undirheimafljót í grískri goðafræði sem guðirnir vinna eiða sína við þegar mikið liggur við.

Styx er ein kvísl af Ókeansstraumi, sem rennur niður í undirheima. Í Ódysseifskviðu eru þar talin þrjú fljót önnur: Akkeron, Kokytos (tárafljót) og Pyriflegeþon (eldfljót). Mætast Kokytos og Pyriflegeþon, falla loks í Akkeron og mynda öll óskaplegan dunandi flaum. Síðar hugsuðu menn sér, að Akkeron myndaði takmörk undirheima.